BIBLIYOTEKA YA PA INTERNETI ya Watchtower
Watchtower
BIBLIYOTEKA YA PA INTERNETI
Cinyungwe
  • BIBLIYA
  • MABUKHU
  • MITSONKHANO
  • lfb pfunziro 64 tsa. 152-tsa. 153 ndi. 4
  • Danyeri Adathusidwa m’Dindi la Mphondolo

Mbuto mwasankhulayi iribe vidiyo iri-yentse.

Pepani, bzikukhala bzakunesa kuti vidiyoyi iwoneke.

  • Danyeri Adathusidwa m’Dindi la Mphondolo
  • Bzomwe Mungapfunze na Nkhani za m’Bibliya
  • Nkhani Yakundendemerana
  • Bzomwe Tingapfunze na Daniyeli
    Ntsanza ya Mulindiri yakudziwisa Umambo bwa yahova (yakupfunza)—2023
Bzomwe Mungapfunze na Nkhani za m’Bibliya
lfb pfunziro 64 tsa. 152-tsa. 153 ndi. 4
Wanthu omwe ambacitira nsanje Danyeri, ankumugumaniza ankupemba patsogolo pa janera yakufunguka

PFUNZIRO 64

Danyeri Adathusidwa m’Dindi la Mphondolo

Dariyo wa ku dziko la Mediya, adadzatonga mzinda wa Babulo. Iye akhadziwa kuti Danyeri akhali munthu wakupambulika, ndipo adamusankhula kuti ambanyang’anire wanthu wense wakufunika kwene-kwene mu dzikolo. Tsono wanthuwo akhambamucitira nsanje, ndipo akhafuna lini na kundomuwonako thangwe ra kuipidwa naye. Iwo akhadziwa kuti Danyeri akhambapemba kwa Yahova katatu pa nsiku. Tenepo, iwo adakauza mambo Dariyo kuti: ‘Nembesani cakutonga cakuti munthu ali-wense an’funika kunamata imwepo mwekha basi. Ndipo ule omwe aleke kubvera cakutongaco, akathusidwe mu dindi la mphondolo.’ Dariyo adadekedwa na nzeru imweyi, ndipo adanembesadi cakutongaco, acicidinda.

Pomwe Danyeri adandobva bza cakutongaco, iye adayenda kumui kwace, acikapemba kwa Yahova patsogolo pa janera yace yomwe ikhadafunguka. Wanthu omwe akhamucitira nsanjewo adapita m’nyumbamo, acimugumaniza ankupemba. Iwo adathamanga kwa mambo Dariyo, acikamuuza kuti: ‘Mambo, Danyeri ankubvera lini cakutonga canu. Iye akadapitiriza basi kupemba kwa Mulungu wace, katatu-kense pa nsiku.’ Dariyo akhafuna kwene-kwene Danyeri, ndipo alibe kufuna kuti aphedwe. Tenepo, iye adamala nsiku ya thunthu acimbakumbuka momwe angadamupulumusira. Tsono, palibe comwe iye angadacita, thangwe cakutongaco cikhadadindidwa kale, ndipo cingadacinjidwa lini na munthu ali-wense, ne mambo caiyeyo. Tenepo, mamboyo adamalizira kuuza basi wanthuwo kuti akathuse Danyeri mu dindi la mphondolo zakulusa.

Usiku bwa nsiku imweyo, Dariyo adatazira kugona thangwe akhacita thupo na Danyeri. Ku macibese-bese, iye adathamangira ku dindi la mphondoloko, acikakuwa kuti: ‘Danyeri, kodi Mulungu wako wakupulumusa?’

Danyeri adatawira ali m’dindimo kuti: ‘Inde! Yahova watumiza anjo wace, acidzafunga miromo ya mphondolozi, ndipo ziribe kundicita cinthu.’ Mambo Dariyo adakomedwa kwene-kwene pakubva bzimwebzo! Iye adacosesa Danyeriyo m’dindimo, ndipo iye akhalibe nakundofenedwako. Patsogolo pace, Dariyo adauza wanthu wace kuti: ‘Kathuseni m’dindi mule wanthu omwe akhafuna kuphesa Danyeri wale.’ Ndipo wanthuwo adakathusidwadi m’dindimo. Pomwe iwo akhanati nakundokhuya pansi, mphondolozo zidawayakha, ziciwadyeratu.

Patsogolo pace, mambo Dariyo adauza wanthu wace wense kuti: ‘Mwense mun’funikira kugopa Mulungu wa Danyeri, thangwe iye wamupulumusa m’dindi la mphondolo.’

Kodi iwepo umbapembambo kwa Yahova nthawe zense ninga momwe akhacitira Danyeri?

Danyeri Adathusidwa m’Dindi la Mphondolo

‘Yahova ambadziwa kupulumusa pa mayezo womwe ambabzipereka kwa iye.’—2 Pedru 2:9

Mibvunzo: Kodi Danyeri akhacita ciyani katatu pa nsiku? Kodi Yahova adapulumusa tani Danyeri?

Danyeri 6:1-28

    Mabukhu ya Cinyungwe (2008-2025)
    Bulani
    Pitani
    • Cinyungwe
    • Tumizani
    • Bzomwe mumbafuna
    • Copyright © 2025 Watch Tower Bible and Tract Society of Pennsylvania
    • Mitemo Yomwe Mun'funika Kuteweza
    • Mtemo Wacintsintsi
    • Privacy Settings
    • JW.ORG
    • Pitani
    Tumizani