KUTAWIRA MIBVUNZO YA M’BIBLIYA

Kodi mpsakukwanisika kukhala m’dziko mwakusaya kubonera?

Pa gole liri lense, wanthu bzulu na bzulu wambafa thangwe ra njala na matenda. Napo mbali zinango za dzikoli zina citukuko, wanthu wazinji wakadapitiriza kubonera kwene-kwene. Bibliya limbalewa kuti kusauka ni bvuto lomwe lin’dzapitiriza nthawe zense pakati pa wanthu.​—Werengani Juwau 12:8.

Kuti kusauka kumale, pan’funika boma la mphanvu lakutonga dziko lense la pansi kuti lipereke bzinthu bzakukwanira kwa wanthu wense. Ndipo boma limwero lin’funikambo kukhala na mphanvu ya kumalisa nkhondo, yomwe imbacitisa kuti wanthu wazinji wabonere. Mulungu akupicira boma limwero lomwe lin’dzatonga dziko lense la pansi.​—Werengani Danyeri 2:44.

Mbani omwe angamalise kubonera?

Mulungu adasankhula Mwana wace Jezu, kuti adzatonge wanthu wense. (Psal. 2:4-8) Ndipo iye an’dzapulumusa anyakusauka, acimalisa kuponderezana na ciwembo.​—Werengani Psalymo 72:8, 12-14.

Ninga momwe bzidalewedweratu, Jezu, omwe ni ‘Mtongi wa Mtendere,’ an’dzakhazikisa mtendere na cisungiko pa dziko lense la pansi. Ndipo wanthu wense wa pa dziko la pansi wan’dzakhala m’nyumba zawo, wacidzaphata basa mwakukondwa, ndipo wan’dzakhala na cakudya cakukwanira.​—Werengani Zaiya 9:6, 7; 65:21-23.

Kuti mudziwe bzinango, onani msolo 8 wa m’bukhuli, lomwe ndakukonzedwa na Mboni za Yahova

Linkugumanikambo pa www.jw.org/nyu