“Ndin’tambira Mabukhu Yanu Mukatoma Mwatambira Yanguya”

Yamweya ni mafala ya weneciro nyumba winango. Ifepano timbacinjanisa lini mabukhu yathu yakupfunzira Bibliya na mabukhu ya bzipembedzo yomwe yambamwaza nzeru zakuphonyeka. Tsono kodi tingawatawire tani mwa ulemu? (Waroma 1:25) Tingalewe kuti: “Ndinkutenda na kufuna kundipasaku. Tsono kodi bukhuli linkulewa ciani bza momwe mabvuto ya wanthu yangamalire? [Dikirani atawire. Penu iye an’kukumbirani kuti mulewenge bukhulo kuti mugumane mtawiro, imwepo muuzeni kuti mumbagawira lini mabukhu kwa munthu mwakusaya kumuuza bzomwe bzidanembedwa m’mwemo. Ndipo lewengani ayai lewani na mu msolo Mateu 6:9, 10.] Jezu adalatiza kuti Umambo bwa Mulungu bun’dzacitisa kuti kufuna kwa Mulungu kucitidwe pansi pano. Tenepo, mabukhu yokha ya cipembedzo yomwe ine ndimbalewenga, yambalewa bza Umambo bwa Mulungu. Kodi mun’funa ndikulatizeni kucokera m’Bibliyamu bzinthu bzinango bzomwe Umambo bwa Mulungu bun’dzakwanirisa?”