Athandizeni Kukhala “Wakukhazikika m’Cikhulupiro”

Mpsakudekeza kwene-kwene kuwona momwe Yahova ankusimbira basa lathu, ndipo gole liri-lense wankubatizidwa wanthu wakuposa 250.000. (Bzakutonga 28:2) Bzimbacitika kuti pomwe mpalizi wathandiza nyakupfunza mpaka kubatizidwa, iye ambasiya kupfunza naye kuti athandize winango. Nyakupfunzayo angafunembo kusiya kupfunzako kuti aphatise basa nthawe izinji mu utumiki. Tsono, mpsakufunika kuti anyakupfunza Bibliya wakhazikike bwino-bwino m’cadidi. Iwo wan’funika kukhala ‘wakuzikika’ na “wakukhazikika m’cikhulupiro.” (Wakoloso 2:6, 7; 2 Timotio 3:12) Tenepo pambuyo pakuti nyakupfunza wabatizidwa, iye an’funika kupitiriza pfunziro mpaka amalize mabukhu mawiri yakuti Baibulo Limaphunzitsa Chiyani na “Chikondi Cha Mulungu.”—Onani Utumiki Bwathu bwa Umambo (chichewa) bwa Abril 2011, tsamba 2.