Gawanani ‘Bzinthu Bzabwino’ mwa Kutambira Alendo (Mat. 12:35a)

Azinji wa ife mwakusaya kupenukira timbafuna kugawana ‘bzinthu bzabwino’ na winango mwa kukhala na ‘mkhalidwe wakutambira alendo.’ (War. 12:13) Akulu ndiwo an‘funika kuyambirira kukonza makonzedwe ya kutambira afotokozi wa nkhani omwe ni alendo na kuwapasa kobiri yomwe adzonga pakucita ulendo bwawo. Na tenepo, nthawe zinango ifepano patekha timbagopa kulatiza mtima wakutambira alendo thangwe ra kusaya, ayai timbakhala na thupo na wanthu winango kuti wafike pamui pathu. Kukhala na malango ya Jezu mumtima mwathu yomwe adapasa Marta yangatithandize kukunda makumbukidwe yamweya. (Luka 10:39-42) Iye adabvekesa kuti ‘gawo labwino’ la kutambira alendo ni kukhalira pabodzi na abale na kulimbisana, si kuti kukonza cakudya capadzulu ayai kukhala na nyumba yabwino. Mwa kuphatisa basa malango yamweya tingagawane ‘bzinthu bzabwino’ na abale wathu mwakubverana na Fala la Mulungu.​—3 Ju. 5-8.