Bzakucitika mu Utumiki

Ndife wakukondwa kukudziwisani kuti pa nsiku ya Junho 15, 2014 Kalase yaciwiri ya Xikola ya Bibliya ya Mabanja (BSCC) idamaliza mapfunziro yawo. Anyakumaliza mapfunziroyo iwo tsapano akucita utumiki bwakupambulika bwa nthawe zense ninga apainiya wakupambulika, apainiya wakupambulika wakanthawe na utumiki bwa umisiyonariyo mu mbuto zakusiyana-siyana mu dziko lathu lino. Imweyi ni kalase yakumalizira ya BSCC ndipo yomwe inkubwerayo in’dzacemeredwa Xikola ya Apalizi wa Umambo (SKE) yomwe in’dzapfunzisa abale wakusaya kulowola, abale na mpfumakazi omwe ali pabanja na mpfumakazi zakusaya kulowodwa zomwe cipinda ca mthambi cingafune kuwaphatisa basa lomwe linkufunikira mu gulu. Munkulimbisidwa mwense womwe mikhalidwe yanu ingakubvumizeni, kucitira mpembo nkhaniyi kuti mukwanise kuyenda ku xikolayi.