Palizirani Cadidi na Nyongo Pakulewa bza Jezu

Nyongo yathu imbathumizirika tikambadziwa momwe tingagawanire cadidi na winango pakulewa bza Jezu. Jezu ni mwala wakumangira wapakhona womwe umbamanga cikhulupiro caico. (Wayef. 2:20) Mwakusaya iye, tingadakhala lini na cidikhiro ca moyo. (Mabasa 4:12) Na tenepo, bzin’funika kuti ali-wense adziwe mbuto ya Jezu kuti akwanise cakulinga ca Mulungu. Tsono azinji ambanamizidwa na bzipfunziso bzakusaya kucokera Biblia. Mwakupasa nsisi, iwo ambaluza piciro la Fala la Mulungu ndipo limbaperekedwa kwa womwe ana cikhulupiro mwa Jezu. Nyongo yathu pa cadidi in’dzaticitisa kuthandiza wanthu omwe ana mtima wabwino kuti agumane phindu pa kubvesesa kwacadidi pakulewa bza Jezu, uxamwali bwace na Mulungu, na mbuto yace pakukwanisa cakulinga ca Mulungu. Mkati mwa nyengo ya cikumbuso inkubwerayi, kodi imwepo mun’dzacita nyongo ya kupalizira cadidi cakulewa bza Jezu?