Limbisanani na Nyongo Winango na Mwanzace pa Basa Labwino

Pa Wahebereu 10:24 timbalimbisidwa kuti ‘timbakumbukirane kuti tilimbisane pa lufoyi na pa mabasa yabwino.’ Tingalimbise abale wathu mwa ciratizo cathu cabwino na mafala yathu ya cikhulupiro. Fotokozerani anzanu wa mu gwere bzakugumana nabzo bzabwino. Wacitiseni kuwona kukondwa kwanu na momwe mumbabvera pa kutumikira Yahova. Pa nthawe ibodzi-bodziyo, lekani kuwandendemeza na imwepo ayai na wanthu winango. (Wag. 6:4) Tsungirani kuphatisa basa mphanvu zanu kuti mulimbise winango ‘pa lufoyi na pa mabasa yabwino,’ sikuti kumbawapasa mulandu. (Onani bukhu la Sukulu ya Utumiki, tsa. 158, ndi. 4.) Tikambalimbisana pa lufoyi na kucitira winango bzabwino mwakuthupi ayai mwa kupalizira, bzakucita bzathu bzin’dzatewerambo.​—2 Wak. 1:24.