Bzakucitika mu Utumiki

Napo kupalizira bzipsa bzabwino kumbatibweresera cikondweso, koma maka-maka timbakhala wakukondwa kwene-kwene tikambapfunzisa munthu cadidi ticimuthandiza kucibvesesa. Tinkukondwa kudziwisa kuti mkati mwa mwezi wa Abril, padacitisidwa mapfunziro ya Bibliya yakukwana 96.057 ndipo padagawidwa mabukhu yakukwana 49.337. Imweyi ni mirewengo yapadzulu kuposa yomwe tidacita kale ndipo inkulatiza kuti Yahova akusimba nyongo yathu ya kucita basa lomwe Jezu adatilamula lakunembedwa pa Mateu 28:19, 20. Mirewengoyi inkulatizambo kuti tikana bzinthu bzizinji kuti ticite mu utumiki bwa kumunda. Tenepo, mpalizi ali-wense atsimikize kupitiriza kuthandiza wanthu watsapanowa na winango womwe mbakuthemera kukhala na cidziwiso cacadidi waciphatana nafe pa njira yomwe imbatsogolera ku moyo wa kusaya kumala.