Momwe Mungakonzekerere Mitawiro Yanu

Mitawiro yabwino imbalimbisa abale wathu. (War 14:19) Ndipo nyakupereka mitawiroyo ambagumanambo phindu. (Mim 15:23, 28) Tenepo, tin’funika kucita nyongo yakuti timbaperekembo mtawiro m’bodzi pa mtsonkhano uli-wense, bzikakwanisika. N’cadidi kuti ni nthawe lini zense pomwe tin’dzalatidwa tikaimisa boko. Tenepo, mpsakufunika kumbakonzekera mitawiro mizinji.

Mtawiro wabwino . . . 

• ni ule omwe umbabveseseka ndipo ni ufupi. Ndipo ungafotokozedwe mtumphindi 30 ayai twakucepa

• ni ule umbafotokozedwa na mafala yanu-yanu

• ni ule omwe umbabwerezera lini bzomwe munthu munango atawira kale

Penu imwepo ndimwe wakuyamba kulatidwa, . . . 

• perekani mtawiro wakusaya kunesa kubva ndipo wakutawiriratu mbvunzoyo

Penu mbvunzoyo watawiridwa kale, imwepo . . .

• latizani kuti vesi liri mu ndimeyo linkubverana tani na nkhani munkucezeranayo

• fotokozani momwe nkhaniyo inkutokonyera moyo wathu

• fotokozani momwe nfundoyo ingaphatisidwire basa

• fotokozani mwacigwatho ciratizo cakuwonesa nfundo ikulu pa nkhaniyo