Cidziwiso ca Yahova Cin’dzadzala pa Dziko la Pansi

11:6-9

Kodi polofesiya imweyi idakwanirisidwa tani kwa Ajirayeri?

• Ajirayeri alibe kugopa akapondo ne bzirombo bza m’thengo pomwe iwo akhabwerera ku Jeruzalemu kucokera ku ukapolo ku Babulo, ne pomwe iwo adafika ku Jeruzalemuko.—Eza 8:21, 22

Kodi polofesiya imweyi inkukwanirisidwa tani m’nsiku zathu zino?

• Cidziwiso ca Yahova cinkuthandiza wanthu azinji kucinja makhalidwe yawo, ndipo winango omwe pakuyamba akhali waukali, ankukhala wanthu wa mtendere. Cidziwisoci cinkuticitisambo kukhala m’paraizo wauzimu pa dziko lense la pansi

Kodi polofesiya imweyi in’dzakwanirisidwa tani kutsogoloku?

• Dzikoli lin’dzakhala paraizo ndipo wanthu an’dzakhala mwa mtendere na mwa cisungiko, ninga momwe Mulungu akhafunira paciyambi. Ndipo wanthu an’dzagopa lini pomwe bzirombo ayai wanthu anzawo

Cidziwiso ca Mulungu cidathandiza Paulo kucinja moyo wace

• Paulo pakuyamba akhali Mfarizeu wakulusa ninga cirombo.—1Tim 1:13

• Koma cidziwiso ca Mulungu cidamuthandiza kucinja makhalidwe yace.—Wakol 3:8-10