Tin’dzakondwa Kwene-Kwene Mulungu Akadzakhazikisa Kudzulu Kupsa na Dziko Lipsa

Piciro la Mulungu lakukonza papsa bzinthu bzense lakunembedwa pa Zaiya kapitulo 65, ndakutsimikizika mwakuti Yahova ambalewa ninga kuti lakwanisika kale.

Pakuti ndinkulenga kudzulu kupsa na dziko lipsa, bzinthu bzakale bzin’dzakumbukiridwa lini pomwe, ne kubwera mu mtima

65:17

Kodi kudzulu kupsa n’ciyani?

• Ni boma lipsa lomwe lin’dzabweresa makhalidwe yacirungamo pa dziko la pansi

• Iro lidakhazikisidwa m’gole la 1914, pomwe Kristu adaikhidwa kukhala Mambo wa Umambo bwa Mulungu

Kodi dziko lipsa n’ciyani?

• Ni wanthu wakucokera m’mitundu yense na m’bzirewedwe bzense omwe ambabvuma utongi bwa boma lipsa lakudzulu

Kodi bzinthu bzakale bzin’dzakumbukiridwa lini pomwe mu njira iponi?

• Mulungu an’dzacosa mabvuto yense yomwe yambacitisa kuti timbakumbukire bzinthu bzakuipa bzomwe bzidaticitikira

• Wanthu wakukhulupirika an’dzakondwa na moyo ndipo nsiku iri-yense ati ambadzacite bzinthu bzomwe bzin’dzambawakondwesa, akabzikumbukira