9-15 ABRIL Kupalizira na Kupfunzisa ni Bzinthu Bzakufunika Kuti Tikhale na Anyakupfunza

Jezu adauza anyakupfunza wace kuti ayende acikapfunzisa wanthu. (Mat 28:19) Bzimwebzi bzimbaphatanidza kupalizira na kupfunzisa. Tenepo, nthawe na nthawe, tense tin’funika kumbabzibvunza kuti: ‘Kodi ndingakulise tani luso langu pa kucita basali?’

PALIZIRANI

M’mbuto mwakudikhirira kuti wanthu ambabwere okha kuna ifepano, ifepano ndife tin’funika kumbalinga wanthu ‘wakuthemera’ na nyongo. (Mat 10:11) Pomwe tinkupalizira, kodi timbalokotera mpata uli-wense kuti tilewelewe na wanthu omwe timbagumana nawo? (Mab 17:17) Lidiya adakhala nyakupfunza, thangwe ra nyongo yakupalizira ya mpostolo Paulo.—Mab 16:13-15.

ONANI VIDIYO YAKUTI PITIRIZANI KUPALIZIRA ‘NA NYONGO’—UPALIZI BWAKUSAYA KULINGANIZIDWA NA NYUMBA NA NYUMBA, MUKAMALA TAWIRANI MIBVUNZO IYI:

• Kodi Samuyeri adalatiza tani kuti akhalokotera mpata uli-wense kuti abzale mbeu za cadidi?

• N’thangwe ranyi tin’funika kumbalimbikira kucita mitundu yense ya upalizi?

• Pa moyo wanu wa nsiku na nsiku, kodi mbani omwe imwepo mumbawauza bzipsa bzabwino?

PFUNZISANI

Kuti tipfunzise wanthu, tin’funika lini kumbandowasiira mabukhu. Kuti tiwathandize kuyenda patsogolo mwauzimu, tin’funika kumbacita maulendo yakubwereza na kucitisa mapfunziro ya Bibliya. (1Wak 3:6-9) Tsono, tani penu nyongo yathu ya kupfunzisa munthu cadidi in’khala lini na bzakutewera bzabwino? (Mat 13:19-22) Ifepano tin’funika kupitiriza kulinga wale omwe ankufunisisa ‘kubva fala.’—Mat 13:23; Mab 13:48.

ONANI VIDIYO YAKUTI PITIRIZANI KUPALIZIRA ‘NA NYONGO’—M’MBUTO ZA PADECA NA KUCITISA MAPFUNZIRO YA BIBLIYA, MUKAMALA TAWIRANI MIBVUNZO IYI:

• Kodi Solomoni na Mariya, adathirizira tani mbeu za cadidi m’mitima ya Ezekiyel na Abigail?

• Kodi cakulinga cathu cin’funika kukhala ciponi pa mitundu yense ya utumiki, kuphatanidzambo upalizi bwa padeca?

• Kodi tingacite tani nyongo pa basa lakupalizira?