Lufoyi Limbazindikirisa Akristau Wacadidi—Lekani Kumbandofuna Bzanu Bzokha na Kumbakalipa

THANGWE RANYI MPSAKUFUNIKA: Jezu adalewa kuti anyakupfunza wace angadadzazindikiridwa thangwe ra lufoyi. (Ju 13:34, 35) Kuti tikhale na lufoyi ninga la Kristu, tin’funika kuikha bzakufuna bza anzathu patsogolo ticitcenkha kuwakalipisa.—1Wak 13:5.

MOMWE MUNGACITIRE:

• Munthu akalewa ayai akaticitira cinthu cakuipa, tin’funika kutoma taima ticikumbuka kuti n’ciyani cacitisa bvutolo na kukumbukira bzakutewera bzomwe bzingabwere pa bzomwe tingacite na bvutolo.—Mim 19:11

• Kumbukirani kuti tensenefe ndife wakuperewera ndipo nthawe zinango timbalewa na kucita bzinthu bzomwe patsogolo pace timbadzadandaula nabzo

• Malisani kusaya kubvesesana mwakusaya kucedwa

ONANI VIDIYO YAKUTI ‘MBAFUNANANI’—LEKANI KUMBANDOFUNA BZANU BZOKHA NA KUMBAKALIPA, MUKAMALA TAWIRANI MIBVUNZO YAKUTEWERAYI:

• Kodi a Lameki atawira tani mwakunyanyira pa bzomwe a Tomás alewa?

• Kodi kuima acikumbukira bzomwe bzalewedwabzo, bzathandiza tani Tomás kusaya kukalipa?

• Kodi katawiridwe kakubzicepswa ka a Tomás kathandiza tani kuti bzinthu bzireke kuipiratu?