Lingani Kupfunzisidwa na Mulungu

THANGWE RANYI MPSAKUFUNIKA: Mpfunzisi wathu Mkululetu Yahova, ambatipfunzisa mu njira zense. Iye ambatipfunzisa momwe tingakhalire na moyo wabwino lero na kutsogolo, ndipo iye ambaticitira bzinthu bzensenebzi fovolo! (Zai 11:6-9; 30:20, 21; Cibv 22:17) Yahova ankuphatisa basa mapfunzisoya kuti tikwanise kuuza anzathu bzipsa bzabwino bzakupasa moyo.—2Wak 3:5.

MOMWE MUNGACITIRE:

• Kulisani khalidwe la kubzicepswa.—Psal 25:8, 9

• Citani nyongo kuti mugumane phindu na mapfunziso yense yomwe Yahova ankuyapereka nsiku zino, ninga kumbacita mbali za anyakupfunza pa mitsonkhano ya pakati pa mdzinga

• Khalani na bzakulinga bzauzimu, ndipo konzani ndandanda yomwe ingakuthandizeni kukwanirisa bzakulingabzo.—Waf 3:13

• Bziperekeni kuti mukwanirise bzakulinga bzanubzo.—Waf 3:8

ONANI VIDIYO YAKUTI TIDAGUMANA BZISIMBO BZIZINJI THANGWE RA KUPFUNZISIDWA NA YAHOVA, MUKAMALA TAWIRANI MIBVUNZO YAKUTEWERAYI:

• Kodi ni bzineso bziponi bzomwe apalizi winango adakunda kuti akwanise kukagumanika ku Xikola ya Apalizi wa Umambo?

• Kodi ni mapfunziso yaponi yomwe Xikola ya Apalizi wa Umambo imbapereka?

• Kodi Abale m’magwere ambathandiza tani wale omwe amaliza xikolayi omwe atumizidwa ku magawo yawo?

• Kodi n’ciyani comwe n’cakufunika kuti munthu athemere kuyenda ku Xikola ya Apalizi wa Umambo? (kr-CN tsa. 189)

• Kodi ngaponi mapfunziro yanango yomwe imwepo mungapasidwe mu gulu la Yahova?