CUMA CA M’FALA LA MULUNGU | CIYAMBO 9-11
Dziko Lentse ‘Lidapitiriza Kukhala na Cirewedwe Cibodzi’
Yahova adabalalisa wanthu wakusaya kubvera mwa kuwacitisa kuti alewelewe bzilalewedwe bzakusiyana pa nsanza ya Babeli. Ntsiku zino iye ankutsonkhanisa wanthu wa mitundu na bzirewedwe bzentse mwa kuwapasa ‘cirewedwe cakucena’ na cakulinga cakuti ‘acemere pa dzina la Yahova, acimutumikira mwakuphatana.’ (Sof 3:9; Cibv 7:9) Cirewedwe cakucenaci, ni cadidi cakulewa bza Yahova na cakulinga cace bzomwe bzimbagumanika m’Bibliya.
Kupfunzira cirewedwe cipsa kumbaphatanidza bzizinji kuposa kundodziwa mafala mapsa. Kuti ticite bzimwebzi, pambafunika kupfunza njira zipsa za kakumbukidwe. Mwa njira ibodzi-bodziyi, pomwe tikupfunza cirewedwe cakucena ca cadidi, kakumbukidwe kathu kan’funika kucinja. (War 12:2) Bzimwebzi bzimbafunika lini kundocitika kabodzi kokha, koma tin’funika kupitiriza kubzicita, ndipo bzimwebzi bzin’dzacitisa kuti wanthu wa Yahova akhale wakuphatana.—1Wak 1:10.