Kodi Mungagumane Phindu Liponi na Kabukhu Kakuti Kupfunza Mavesi Nsiku na Nsiku?

Kodi muna cizolowezi ca kumbawerenga vesi la ntsiku mwakuphatisa basa kabukhu kakuti Kupfunza Mavesi Nsiku na Nsiku? Penu nee, kodi mungayambe kucita bzimwebzo ntsiku iri-yentse? Azinji ambawerenga vesi la ntsiku nthawe ya macibese ndipo kucita bzimwebzi kumbawathandiza kukumbukira nfundo zomwe apfunza pa kucita mabasa yawo ntsiku yentse. (Djos 1:8; Psal 119:97) Kodi mungagumane tani phindu lizinji mukambawerenga vesi? Werengani nkhani yentse yomwe inkufotokoza bza vesiro. Yezerani kukumbukira bziratizo bza m’Bibliya na nfundo yomwe ikufotokozedwa pa vesiro. Patsogolo pace phatisani basa nfundoyo pa moyo wanu. Mukambaphatisa basa nfundo za m’Bibliya pakucita bzakusankhula, izo zin’dzatsogolera moyo wanu ndipo mun’dzagumana phindu likulu.—Psal 119:105.

Mabanja ya Beteli kuzungulira dziko lentse la pa pantsi yambapfunza vesi la ntsiku macibese yali-yentse. Ndipo tsapano nkhani zizinji zomwe zimbafotokozedwa pa kunamata kwa macibese pa Beteli zimbaikhidwambo pa JW Broadcasting^® pa gawo lakuti MAPULOGALAMU KOMANSO ZOCHITIKA ZINA. Kodi ni lini pomwe mudaziwona nkhani zimwezi? Pinango ibodzi mwa nkhanizi ni yomwe mukhaifuna kwene-kwene. Mwa ciratizo, kodi mungapfunze ciyani na nkhani ya Loti pakucita bzakusankhula?

ONANI VIDIYO YA MSOLO WAKUTI: LEKANI KUMBAFUNA DZIKO (1JU 2:15), PATSOGOLO PACE TAWIRANI MIBVUNZO YAKUTEWERAYI:

• Kodi kucezerana kwa vesi la ntsikuli kwacokera pa cinembo ciponi?

• Kodi nkhani ya Loti ikulatiza tani ngozi yakufuna dziko ayai kufuna bzinthu bza m’dziko?—Ciy 13:12; 14:12; 19:3, 12, 13, 24-26

• Kodi tingalatize tani kuti timbafuna Yahova sikuti dziko ayai bzinthu bza m’dziko?