Thawani Upombo Ninga Momwe Zuze Adacitira

Zuze adapereka ciratizo cabwino ca momwe tingacitire bzinthu, tikayezedwa kuti ticite upombo. Nthawe zentse pomwe mkazi wa mbuya wace akhayeza kumupumpsa, iye akhalamba. (Ciy 39:7-10) Mtawiro wa Zuze udalatiza momwe iye akhaiwonera nkhani yakukhala wakukhulupirika m’banja. Iye adati: ‘ndingacitirenyi cinthu cakuipa kwene-kweneci, ndiciphonyera Mulungu?’ Pomwe iye adawona kuti nkhaniyo ikhadafika pakuipa, iye adathawa m’mbuto mwa kumupasa mpata nkaziyo kuti agone naye.—Ciy 39:12; 1Wak 6:18.

ONANI VIDIYO YAKUTI THAWANI UPOMBO, NDIPO PATSOGOLO PACE BVUNZANI MIBVUNZO YAKUTEWERAYI:

• 

  Kodi n’ciyani comwe cikhacitika na Djini?

• 

  Kodi n’ciyani comwe Djini adakumbukira pomwe Mi-Kiyongi adamukumbira kuti amuthandize TPC ya matemática?

• Kodi mkumbiro wa Mi-Kiyongi udatokonya tani Djini?

• 

  Kodi Djini adathandizidwa tani?

• 

  Kodi Djini adacita ciyani kuti athawe upombo?

• Kodi ni bzinthu bziponi bzomwe imwepo mwapfunza na vidiyoyi?