Yahova Adapulumusa Zuze

41:9-13, 16, 29-32, 38-40

Zuze adabonera ninga kapolo kwa magole 13 pomwe Yahova akhanati kumupulumusa. Napo kuti bzikhali tenepo, bzimwebzi bzidamuthandiza kukhala na makhalidwe yabwino m’mbuto mwakumucitisa kukhala munthu wakuipa. (Psal 105:17-19) Iye akhadziwa kuti Yahova angadamusiya lini yekha. Kodi Zuze adalatiza tani makhalidwe ya bwino pomwe akhabonera?

• 

  Zuze adaphata basa mwa nyongo, acipitiriza kukhala wakukhulupirika; tenepo Yahova adamusimba thangwe ra bzimwebzi.—Ciy 39:21, 22

• 

  Zuze adadekera mtima winango, m’mbuto mwakubwezera wale omwe adamucitira bzinthu bzakusaya kulungama.—Ciy 40:5-7

Kodi bzomwe bzidacitikira zuze, bzingandithandize tani kulimbana na mabvuto yangu?

Pomwe ndikudikhira kudzapulumusidwa na Yahova pa Armagedo, kodi ningaphatise tani bwino basa mkhalidwe wangu?