Zuze Adalatiza Kuti Akhali Munthu Wakubziphata

42:5-7, 14-17, 21, 22

Kodi imwepo mukukwanisa kukumbukira momwe Zuze adabvera pomwe mwakusaya kudikhira iye adawonana na abale wace maso na maso? Pinango iye mwa kamkulumize angadabzidziwikisa aciwakumbatira ayai aciwabwezera bzakuipa bzomwe iwo akhadamucitira; koma iye alibe kucita bzimwebzo. Tenepo, kodi imwepo mun’dzacita ciyani mukadzacitiridwa bzinthu bzakusaya kulungama na wanthu wa m’banja mwanu ayai na wanthu winango? Bzomwe bzidacitikira Zuze, ni ciratizo cabwino ca momwe tingakulisire khalidwe la kubziphata na kupitiriza kumbalilatiza, m’mbuto mwakuteweza bzomwe mtima wathu omwe ngwakupumpsa ungatiuze kuti ticite.

Kodi imwepo mungatewezere tani Zuze m’mikhalidwe yakusiyana-siyana yomwe mungagumane nayo?