KUKHALA NA MOYO WACIKRISTAU

Mbakhalani Wakubzicepesa Mukambatumbizidwa

Nthawe zinango, wanthu angatitende ayai kutitumbiza. Bzimwebzi bzingakhale bzakulimbisa bzingakhala bzikucitidwa kucokera pantsi pa mtima na cakulinga cabwino. (Mim 15:23; 31:10, 28) Koma tin’funika kusamala kuti bzimwebzi bzireke kuticitisa kubzibva kukhala wapadzaulu na wakubzikuza.

ONANI VIDIYO YA MSOLO WAKUTI KHALANI WAKUKHULUPIRIKA NINGA JEZU—MUKAMBATUMBIZIDWA, NDIPO MUKAMALA CITANI MIBVUNZO YAKUTEWERAYI:

Kodi ni bzinthu bziponi bzomwe bzingacitise wanthu winango kutitumbiza?
Kodi abale akhamutumbiza Serjo mwa njira iponi?
Kodi iwo atumbiza tani Serjo mwakunyanyira?
Kodi imwepo mwapfunza ciyani na momwe m’bale Serjo atawirira mwakubzicepesa?

Bzakucitika bza mu vidiyo yakuti ‘Khalani Wakukhulupirika Ninga Jezu—Mukambatumbizidwa,’ bzomwe bzikulatiza m’bale Serjo akuceza kumui kwa m’bale ndipo akutawira mwakubzicepesa pomwe abale akumutumbiza mwakunyanyira.