KUKHALA NA MOYO WACIKRISTAU

Yahova Ambakhotcerera Wanthu Wace

Pai omwe ni m’Jirayeri na mwana wace akupalangira mulopa m’mphepete mwa msuwo wa nyumba yawo.

Paskwa yakuyambirira ikhana thandauzo likulu kwene-kwene. Pambuyo pa Farawo kudziwa kuti wana wentse wakuyamba wa mu Edjipito akhadafa, usiku bumwebo, iye adauza Mozeji kuti: ‘Bulani pakati pa wanthu wangu, imwepo na Ajirayeri wentse, ndokoni, katumikireni Yahova ninga momwe mudalewera.’ (Kuf 12:31) Yahova adalatiza kuti nthawe zentse ambakhotcerera wanthu wace.

Tingawona bzomwe bzimbacitika na atumiki wa Yahova mu ntsiku zathu zino, bzimbalatiziratu padeca kuti Yahova akupitiriza kusamalira na kukhotcerera wanthu wace. Tingabvesese bwino bzimwebzi, tikazungira ku nyumba yakukoyera bzinthu bzakale ya ku likulu lathu la padziko lentse komwe kudanembedwa kuti: “Wanthu Wakudziwika na Dzina la Yahova.”

ONANI VIDIYO YA MSOLO WAKUTI: KUZUNGIRA NYUMBA YAKUKOYERA BZINTHU BZAKALE YA KU WARWICK: “WANTHU WAKUDZIWIKA NA DZINA LA YAHOVA” NDIPO MUKAMALA CITANI MIBVUNZO YAKUTEWERAYI:

Kodi ni bzinthu bzipsa bziponi bzomwe anyakupfunza wa Bibliya adabziphatisa basa kuyambira mu 1914 kuti alimbise cikhulupiro cawo, ndipo bzidabweresa phindu liponi?
Kodi ni mabvuto yaponi yomwe wanthu wa Yahova adagumana nayo mu gole la 1916 na 1918, ndipo n’ciyani comwe cikhalatiza kuti Yahova akhatsogolera wanthu wace?
Kodi wanthu wa Yahova adapitiriza tani kukhala wakulimba napo kuti akhazunzidwa?
Kodi ni kabvesesedwe kapsa kaponi komwe wanthu wa Yahova adakhala nako mu gole la 1935, ndipo bzimwebzi bzidawatokonya tani?
Penu mudazungira kale nyumba yakukoyera bzinthu bzakaleyi, kodi mudawona ciyani comwe cidalimbisa cikhulupiro canu cakuti Yahova akutsogolera na kukhotcerera wanthu wace?