Tumbizani Yahova mwa Kucita Upainiya

Ajirayeri akhana mathangwe yakubveka kuti atumbize Yahova. Iye adawacosa ku Edjipito aciwapulumusa m’manja mwa anyankhondo wa Farawo. (Kuf 15:1, 2) Yahova akupitiriza kudekera mtima wanthu wace. Kodi ifepano tingalatize tani kutenda kwathu?—Psal 116:12.

Njira ibodzi ya kucitira bzimwebzi, ni kucita upainiya bwakuthandiza ayai bwakukhazikika. Imwepo mungakumbire Yahova mu mpembo kuti iye akupaseni mphanvu na cifundo cakucita upainiya. (Waf 2:13) Azinji adayamba na kucita upainiya bwakuthandiza. Mwa ciratizo, imwepo mungasankhule kupereka mawora 30 ayai 50 m’minyezi ya Março na Abril, na pomwe nyakunyang’anira dera akuzungira gwere lanu. Pambuyo pakuwona momwe kucita upainiya bwakuthandiza kumbadekezera, pinango mungadzafune kuthimizira utumiki bwanu mwa kucita upainiya bwakukhazikika. Napo wale omwe ambaphata basa, ayai omwe ana bvuto la thanzi ambakwanisa kukhala apainiya wakukhazikika. (mwb16.07 8) Kulewa cadidi, ifepano tin’funika kucita bzentse bzomwe tingakwanise kuti titumbize Yahova.—1Nkha 16:25.

ONANI VIDIYO YA MSOLO WAKUTI MPFUMAKAZI ZITATU ZA KU MONGÓLIA, NDIPO MUKAMALA CITANI MIBVUNZO YAKUTEWERAYI:

• 

  Kodi ni mabvuto yaponi yomwe mpfumakazizi zidakunda kuti zikwanise kucita upainiya bwakukhazikika?

• 

  Kodi ni bzisimbo bziponi bzomwe mpfumakazizi zidakhala nabzo?

• 

  Kodi kucita upainiya bwakukhazikika kudazipasa mpata wakucita mabasa yanango yaponi m’gulu la Yahova?

• 

  Kodi ciratizo comwe zidapereka, cidatokonya tani winango?