Kodi Mungabzipereke Kuti Muyende ku Xikola ya Apalizi wa Umambo?

Kodi imwepo muli pakati pa magole 23 mpaka 65? Kodi mukucita utumiki bwa nthawe zentse? Kodi muna thanzi labwino ndipo mungakatumikire komwe kukufunikira apalizi azinji? Penu mun’ti inde, kodi mudakumbukirambo kale kuyenda ku Xikola ya Apalizi wa Umambo? Kutomera pomwe xikolayi idayamba, mabanja mazinji, abale na mpfumakazi omwe akanati kulowola ayai kulowodwa adayenda kale ku xikola imweyi. Napo bziri tenepo, ifepano tikufuna kwene-kwene abale omwe akanati kulowola kuti ayende ku xikolayi. Kumbirani Yahova kuti akuthandizeni kukulisa cikhumbo canu ca kufuna kumukondwesa na kutewezera mwana wace. (Psal 40:8; Mat 20:28; Waheb 10:7) Patsogolo pace, onani momwe mungacinjire bzinthu pa moyo wanu kuti mukwanise kuyendambo.

Kodi wale omwe ambamaliza xikolayi ambakhala na mwayi wa kucita mautumiki yaponi? Winango wa iwo ambakatumikira ku mbuto za cirewedwe cinango ayai ambakacita upalizi bwa padeca ku mbuto zomwe zimbagumanika wanthu azinji. Winango ambakatumikira ninga anyakuthandizira nyakunyang’anira dera, ninga anyakunyang’anira dera ayai amisiyonario. Mukambakumbukira bzomwe mungakwanise kucita pa kutumikira Yahova, mumbakhala ninga mpolofeta Zaiya omwe adalewa kuti: ‘Ndiri pano ine! Nditumizeni!’—Zai 6:8.

ONANI VIDIYO YA MSOLO WAKUTI AMISIYONARIO OMWE AMBAPALIZIRA—NI ANYABASA WAKUBVUNA, MUKAMALA CITANI MIBVUNZO YAKUTEWERAYI:

• 

  Kodi amisiyonario omwe ambatumizidwa kuti akapalizire ambasankhulidwa tani?

• 

  Kodi ni basa labwino liponi lomwe amisiyonario amwewa ambacita?

• 

  Kodi ni bzisimbo bzinango bziponi bzomwe bzimbabwera thangwe ra kucita basa la umisiyonario?