Yahova na Jezu An’dzatitsudzula

Kodi ni mabvuto yaponi yomwe mumbagumana nayo ntsiku zentse? Kodi imwepo ndimwe msolo wa banja ndipo muna maudindo mazinji? Kodi ndimwe mkazi ayai mwamuna omwe mukulera mwekha wana? Kodi ndimwe tswaka lomwe liri pa xikola ndipo mumbaboneresedwa na anzanu ku xikolako? Kodi muna bvuto la thanzi ayai ndimwe wakukalamba? Ali-wentse ana mabvuto yace. Akristau azinji akugumana na mabvuto mazinji pa nthawe ibodzi-bodzi. Tsono tikudziwa kuti tsapanopapa, Yahova animalisa mabvuto yentseneya.—2Wak 4:16-18.

Mpaka pano, timbatsangalazidwa kudziwa kuti Yahova ambabvesesa mabvuto yathu, ndipo ambatenda kupirira na kukhulupirika kwathu. Ndipo iye akutitsimikizira kuti an’dzatisimba. (Jer 29:11, 12) Jezu ambacitambo thupo na ifepano. Pomwe timbakhala tikucita mabasa yathu, iye ambatitsimikizira kuti: ‘Ine ndiri pabodzi na imwe.’ (Mat 28:20) Tikambakumbukira ufulu bomwe tin’dzakhala nabo mu Umambo bwa Mulungu, timbalimbisa cidikhiro cathu ndipo timbatsimikiza kupirira mabvuto yomwe timbagumana nayo.—War 8:19-21.

ONANI VIDIYO YA MSOLO WAKUTI POMWE CONZI CINKUBWERA, PITIRIZANI KUIKHA MAKUMBUKIDWE YANU PA JEZU!—BZISIMBO BZAKUTSOGOLO BZA MU UMAMBO, NDIPO MUKAMALA BVUNZANI ABVESERI KUTI:

• Kodi wanthu adatalikirana tani na Mulungu ndipo n’ciyani comwe cidadzacitika?

• Kodi n’ciyani comwe cin’dzacitika kwa wale omwe ambabvera Yahova?

• Kodi bzimwebzi bzin’dzakwanisika tani?

• Kodi ni bzisimbo bziponi bzomwe imwepo mukudikhirira na mtima wentse?