Basa Lakunesa Lomwe Lidakwanisika na Thandizo la Mzimu Wakucena

Kuyambira kale-kale, atumiki wa Mulungu akhala akucita bzinthu bzakudabwisa, sikuti thangwe ra luso lawo, koma na thandizo la Yahova. Mu 1954, gulu la Yahova lidacosa filme ya msolo wakuti, A Sociedade do Novo Mundo em Ação. Pakuyamba idakonzedwa na wanthu omwe akhatumikira pa Beteli omwe akhadziwambo lini bwino-bwinoletu nkhani za kukonza mafilme. Basa lakunesali lidakwanisika kokha na thandizo la mzimu wakucena wa Yahova. Bzimwebzi bzikutipasa citsimikizo cakuti tingakwanise kucita basa liri-lentse lomwe tingapasidwe kokha tikathemba Yahova.—Zak 4:6.

ONANI VIDIYO YA MSOLO WAKUTI MOMWE LIMBAFAMBIRA BASA LA GULU LA YAHOVA, MUKAMALA BVUNZANI KUTI:

• Thangwe ranyi padasankhulidwa kuti pakonzedwe filme yakulewa bza likulu lathu la pa dziko lentse la pantsi?

• Kodi filmeyo idalatiza tani kuti Beteli iri ninga thupi la munthu?—1Ak 12:14-20

• Kodi abale adagumana na mabvuto yaponi pakukonza filmeyo ndipo adayakunda tani?

• Kodi bzimwebzi bzikutipfunzisa ciyani pakulewa bza mzimu wakucena wa Yahova?