Cirengedwe Cimbalimbisa Cikhulupiro Cathu kwa Yahova

Kodi Yahova nthawe zentse ambadziwa kuti mpsiponi bzomwe mpsabwino kuna ifepano? Mpsakucita lini kubvunza! Tikakhulupira bzimwebzi timbalatiza kuti ndife wanzeru ndipo timbateweza mitemo yace. (Mim 16:3, 9) Tsono malango ya Yahova yakasiyana na kakumbukidwe kathu bzimbakhala bzakunesa kuyakhulupira. Koma tikambakumbukira mabasa yace, tin’dzalimbisa cikhulupiro cathu kuna iye.—Mim 30:24, 25; Aro 1:20.

ONANI VIDIYO YA MSOLO WAKUTI KODI BZIDACITA KULENGEDWA? KODI N’CIYANI CIMBACITISA NYERERE KULEKA KUPINGIZIRA-NA PAKUFAMBA? MUKAMALA BVUNZANI ABVESERI KUTI:

• Kodi ni basa liponi lomwe nyerere zizinji zimbacita ntsiku zentse?

• Kodi nyerere zimbacita ciyani kuti zireke kumbapingizirana?

• Kodi wanthu angapfunze ciyani na momwe nyerere zimbafambira?

ONANI VIDIYO YA MSOLO WAKUTI KODI BZIDACITA KULENGEDWA? KAMBULUKIDWE KA NYUCI, MUKAMALA BVUNZANI ABVESERI KUTI:

• Kodi wanthu ambagumana na madede yaponi akakhala akufambisa ndeke zing’ono-zing’ono?

• Kodi nyuci imbakwanisa tani kumbuluka napo kukacita conzi camphanvu?

• Kodi n’ciyani comwe wanthu akukumbuka kucita kucokera pa bzomwe nyuci zimbacita?

Kodi n’ciyani comwe imwepo mwawona m’cirengedwe komwe mumbakhalako comwe cimbalatiza nzeru za Yahova?