Bzinthu Bzitatu Bzomwe Bzingalatize Kuti Mukuthemba Yahova

Davide adakunda Goliyati thangwe adathemba Yahova. (1Sam 17:45) Yahova akufuna kuwonesa mphanvu zace kuna atumiki wace wentse. (2Nkha 16:9) Kodi mungalatize tani kuti mumbathemba thandizo la Yahova kuposa luso lomwe munalo? Pana bzinthu bzitatu bzomwe mungacite kuti mulatize kuti mumbathemba thandizo la Yahova:

• Kupemba kawiri-kawiri. Lekani kumbandopemba kwa Yahova kuti mukumbire kulekereredwa mukakhala mwaphonya, koma mbapembanimbo kuti mukumbire mphanvu kuti muleke kuphonyako. (Mat 6:12, 13) Lekani kumbandopemba kuti Yahova akusimbeni pa bzinthu bzomwe mwasankhula kale kucita, koma mbapembanimbo kuti mukumbire nzeru zace mukanati kusankhula kucita bzinthubzo.—Tiy 1:5

• Kukhala na ndondomeko ya kuwerenga na kupfunza Bibliya. Mbawerengani Bibliya ntsiku zentse. (Sl 1:2) Mbakumbukirani bziratizo bzomwe bziri m’Bibliya na kumbaphatisa basa bzomwe mukupfunza na bziratizobzo. (Tiy 1:23-25) Mukakhala mukufuna kuyenda mu upalizi lekani kumbathemba nzeru zanu, mbatomani kukonzekera pomwe mukanati kuyenda. Mbakonzekeranimbo bzomwe bzin’kapfunzidwa ku mitsonkhano pomwe mukanati kuyenda ku Nyumba ya Umambo

• Kumbacita bzinthu pabodzi na gulu la Yahova. Tin’funika kumbadziwa kuti ni malango yaponi yomwe yaperekedwa tsapanopapa na gulu, ticiyateweza. (Mirew 9:17) Mbatetekerani malango yomwe akulu ambapereka.—Aheb. 13:17

ONANI VIDIO YA MSOLO WAKUTI PALIBE MATHANGWE YAKUGOPERA CIZUNZO, NDIPO MUKAMALA BVUNZANI ABVESERI KUTI:

• Kodi ni bzinthu bziponi bzomwe bzikhacitisa mantha abale na mpfumakazi?

• Kodi n’ciyani comwe cidawathandiza kumalisa mantha yomwe akhanayo?