KUKHALA NA MOYO WACIKRISTAU
Lekani Kutongedwa na Bzikhumbo Bzanu
Pakuti ndife wanthu wakuperewera, nthawe zentse tin’funika kucita nyongo kuti tileke kukundidwa na bzikhumbo bzakuipa. Tikambandocita ciri-centse comwe tikufuna, tin’dzadzonga uxamwali bwathu na Yahova. Mwa ciratizo, wanthu winango ambafuna kwene-kwene kudya, kubvalira na kukhala na nyumba yabwino kuposa kufuna Mulungu. Ndipo wanthu winango ambacita malume ya pa mphasa yakusaya kubvumizika kwa Mulungu kuti amalise cikhumbo cawo. (Aro 1:26, 27) Ndipo winango ambabvuma kutewezera anzawo kuti anzawowo akomedwe nawo.—Kuf 23:2.
Kodi n’ciyani comwe tingacite kuti tileke kukundidwa na bzikhumbo bzathu? Tin’funika kucita nyongo ya kukumbuka bzomwe Yahova ambakomedwa nabzo. (Mat 4:4) Ndipo tin’funika kumudandaulira kuti atithandize kuleka kukundidwa na bzikhumbo bzathu. Thangwe ranyi? Thangwe iye ambadziwa bzomwe mpsabwino kwa ifepano ndipo ambadziwambo njira yabwino ya kutipasira bzomwe timbakhumba.—Sl 145:16.
ONANI VIDIYO YA MSOLO WAKUTI LEKANI KUBVUMA KUTI KUFUMALI KUDZONGE MOYO WANU, MUKAMALA BVUNZANI ABVESERI KUTI:
Thangwe ranyi wanthu winango ambafumali?
Kodi n’ciyani cingacitike mukambafumali?
Thangwe ranyi kufumali na kufempha kudaipa?—2Ak 7:1
Imwepo mungakwanise kukunda cikalo!
Kodi n’ciyani cingakuthandizeni kulamba munthu akakuuzani kuti mufumali ayai kusiya kufumaliko?