Kodi Mumbawona Kutawiridwa kwa Mipembo Yanu?

M’Bibliya muna nkhani zizinji za mipembo yomwe idatawiridwa na Yahova. Pomwe atumiki wa Mulungu adawona kuti Yahova awatetekera pomwe iwo akhafotokoza mabvuto yawo na kuwathandiza, cikhulupiro cawo cidalimba kwene-kwene. Ndipopa tikambapemba tin’funika kulewa mwakubveka bwino bzomwe bzikuticitisa thupo na kuwona momwe Yahova akutawirira mipembo yathu. Ndipo tin’funika kukumbukira kuti iye angacite bzinthu bzakusiyana na bzomwe takumbira pakutawira mipembo yathu. (2Ak 12:7-9; Aef 3:20) Kodi Yahova angatawire tani mipembo yathu?

• Pomwe tikugumana na mabvuto, iye angatipase mphanvu, kuderekhesa mtima wathu ayai kulimbisa cikhulupiro cathu. — Afi 4:13

• Iye angatipase nzeru kuti ticite bzinthu bzabwino. — Tiy 1:5

• Iye angatipase mphanvu yakucita cinthu. — Afi 2:13

• Iye angaderekhese mtima wathu tikakhala na thupo. — Afi 4:6, 7

• Iye angaphatise basa anzathu kuti atitsangalaze, kutilimbikisa na kutipasa bzinthu bzomwe tikufuna. — 1Ju 3:17, 18

• Iye angathandize wanthu omwe tikuwapempherera. — Mab 12:5, 11

ONANI VIDIYO YA MSOLO WAKUTI YAHOVA NI “MBVESERI WA MPEMBO,” MUKAMALA BVUNZANI ABVESERI KUTI:

• Kodi bzomwe bzidacitikira m’bale Shimizu bzingatilimbikise tani tikakhala tikutazira kucita bzizinji thangwe ra manungo yathu?

• Kodi tingatewezere tani m’bale Shimizu?