Malowozi ni Mbverano Wakusaya Kumala

Akristau akakhala na malowozi yabwino ambalemekezesa Yahova ndipo wentse awiri, mkazi na mwamuna, ambakhala wakukondwa. (Mar 10:9) Kuti Akristau akhale na malowozi yakusaya kumala na yakukondwa, an’funika kuphatisa basa nfundo za m’Bibliya pakusankhula munthu kuti alowolane naye.

Mpsabwino kuleka kukhala pa umakhadzi na munthu ali-wentse pomwe mukali mwana, thangwe cikhumbo ca kucita malume ya pa mphasa cimbakhala camphanvu ndipo cingakutaziseni kucita bzinthu mwanzeru. (1Ak 7:36) Pomwe mukanati kukhala pa umakhadzi, limbisaniretu uxamwali bwanu na Yahova na kukhala na makhalidwe yacikristau. Mukacita bzimwebzi, mun’dzakhala wakukonzeka kukhala na malowozi yabwino.

Pomwe mukanati kubvuma kucita malowozi, khalani na nthawe ya kudziwa “unthu bwakubisika bwa mu mtima” bwa mwanzanuyo. (1Pe 3:4) Mukawona kuti payamba kuwoneka mabvuto makulu, cezani na mwanzanuyo bza mabvutoyo. Ninga momwe bzimbakhalira na wanthu omwe ali pa uxamwali, kumbukirani kwene-kwene bzinthu bzomwe mun’dzacitira mwanzanuyo sikuti bzomwe iye an’dzakucitirani. (Afi 2:3, 4) Mukambaphatisa basa nfundo za m’Bibliya pomwe mukanati kupita m’banja, bzin’dzakhala bzakupusa kucita bzimwebzo mukadzapita m’banja ndipo mun’dzakhala na malowozi yakukondwa.

ONANI VIDIYO YA MSOLO WAKUTI KUKONZEKERA MALOWOZI  — MBALI YACITATU: ‘LEWENGANI KOBIRI ZOMWE MUNGADZONGE,’ MUKAMALA BVUNZANI ABVESERI KUTI:

• Kodi bzinthu bzikhali tani pakati mpfumakaziyi na makhadzi wace, Shane?

• Kodi n’ciyani comwe mpfumakaziyi idazindikira na kupita kwa nthawe?

• Kodi abereki wace adaithandiza tani, ndipo n’ciyani comwe idacita?