Mbali Zakuthandiza za m’Bukhu Lakuti Khalani na Moyo Wakukondwa Mpaka Kale-Kale!

Kodi imwepo mumbakomedwa kuphatisa basa mavidiyo na mibvunzo ya m’bukhu lakuti Khalani na Moyo Wakukondwa Mpaka Kale-kale!? Tanimbo mbali zakuti “Wanthu winango ambalewa kuti,” “Citani ibzi” na “Onani pomwe ibzi”? Kodi ni mbali zinango ziponi zomwe zimbakuthandizani mukambacitisa pfunziro la Bibliya?  —  Mat 28:19, 20.

Bzithunzi-thunzi na Mavidiyo: Penu mukucitisa pfunziro la Bibliya mwakuphatisa basa bukhu lakucita kudindidwa, kodi mungacite tani kuti mugumane mavidiyo yentse na bzinthu bzinango pa mbuto ibodzi? Fungulani ibodzi mwa mbali zinai za bukhuli mu JW Library ayai pa jw.org. M’nyantsi mwa misolo ya mbali imweyi, tinyani pa mbuto yomwe mungagumane bzithunzi-thunzi na mavidiyo yentse ya mbali imweyo. (Onani cithunzi-thunzi cakuyamba.)

Mbali yakuti “Edição Impressa”: Penu mukupfunza na munthu mwakuphatisa basa JW Library, bzingakhale bzakuthandiza kuphatisa basa mbali yakuti “Edição Impressa.” Mukatinya mbali imweyi, bukhulo lin’dzawoneka ninga lakucita kudindidwa. Kuti mukwanise kucita bzimwebzi, tinyani tumathotho tutatu tomwe tuli m’dzaulu mwa msolo omwe mwafungulayo ndipo tinyani pomwe padanemba kuti “Edição Impressa.” Kucita bzimwebzi kun’kuthandizani kuwona kubverana komwe kulipo pakati pa pfunziro na nfundo za mu nkhaniyo. Mukafuna kuti ikhale pomwe ninga momwe ikhaliri, tinyani tumathotho tutatu ndipo tinyani pomwe padanemba kuti “Edição Digital.”

“Kodi Ndakonzeka Kupalizira na Gwere?”: Makwadru yamweya yambagumanika kuphampha kwa bukhuli ndipo yambafotokoza bzomwe munthu angacite kuti ayambe kumbapalizira na gwere na kubatizidwa. (Onani cithunzi-thunzi caciwiri.)

Mafala Yakuthumizira: Mafala yakuthumiziraya yambafotokoza bzinthu bzinango bzomwe bzimbathandiza kubvesesa nfundo zakufunika. Kuphampha kwa mafala yakuthumizira yali-yentse, kuna linki yomwe mukaitinya, in’kubwezani komwe mukhali pakuyamba. (Onani cithunzi-thunzi caciwiri.)