Mipembo Yathu Njakufunika kwa Yahova

Mipembo yomwe Yahova ambakomedwa nayo iri ninga cakufukiza cakununtcira comwe cikhambaperekedwa nthawe zentse mu templo. (Sl 141:2) Tikambauza Yahova bzomwe bzikuticitisa thupo, bzomwe tikufuna, kumukumbira nzeru, kumutenda na kumuuzambo kuti timbamufuna, timbalatiza kuti uxamwali bwathu na iye ni cinthu cakufunika kwene-kwene. N’cadidi kuti mipembo yomwe imbacitidwa pa mitsonkhano yathu njakufunika kwa Yahova. Tsono Yahova ambakomedwa kwene-kwene tikambapemba kwa iye pa tekha ticimuuza bzomwe tikukumbuka na bzomwe bzikuticitisa thupo. Ndipo ambakomedwambo tikamala nthawe izinji tikuceza naye.  —  Mim 15:8.

ONANI VIDIYO YA MSOLO WAKUTI NIMBAFUNA KWENE-KWENE KUPEMBA, MUKAMALA BVUNZANI ABVESERI KUTI:

• Kodi n’ciyani comwe m’bale Johnson adacita pakutumikira Yahova?

• Kodi kupemba kwa Yahova kudathandiza tani m’bale Johnson?

• Kodi imwepo mwapfunza ciyani na bzomwe bzidacitikira m’bale Johnson?