19-25 FEVEREIRO

MASALIMO 8-10

Nyimbo 2 na Mpembo | Mafala Yakufungulira (mph. 1)

CUMA CA M’FALA LA MULUNGU

1. “Nin’dzakutumbizani na Mtima Wangu Wentse, Imwe Yahova”!

(mph. 10)

Yahova ngwabwino kwene-kwene kwa ifepano (Sl 8:3-6; w21.08 tsa. 3 ndi. 6)

Ifepano timbatumbiza Yahova mwakukondwa tikambauzambo anzathu bza mabasa yace yakudabwisa (Sl 9:1; w20.05 tsa. 23 ndi. 10)

Ndipo timbamutumbizambo tikambamuimbira nyimbo na mtima wathu wentse (Sl 9:2; w22.04 tsa. 7 ndi. 13)

Bzithunzi-thunzi: Njira za momwe tingatumbizire Yahova. 1. Mpfumakazi yacikulire ikupalizira munthu omwe ambamusamalira. 2. Abale na mpfumakazi akuimba pa mitsonkhano. 3. Mulumbwana akuimisa boko kuti atawire pa mitsonkhano ya gwere. 4. M’bale wacitswaka akuthandizira kucenesa mu Nyumba ya Umambo. 5. Mpfumakazi yacitswaka ikupalizira mwanzace wa ku xikola.

BZIBVUNZENI KUTI: ‘Kodi n’ciyani cinango comwe ningacite kuti nditumbize Yahova?’

2. Cuma Cauzimu

(mph. 10)

Sl 8:3 — Kodi munembi wa salimo limweri akhafuna kulewanyi pomwe adalewa kuti “bzala bzanu”? (it-1 tsa. 832)

Mtawiro wanu
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

Mtawiro wanu

3. Kuwerengedwa kwa Bibliya

(mph. 4) Sl 10:1-18 (th pfunziro 11)

BZIPEREKENI MU UTUMIKI BWAKUMUNDA

4. Kuyambisa Maceza

(mph. 3) NYUMBA NA NYUMBA. Mwenekaciro mui akuuzani kuti ambakhulupira lini Mulungu. (lmd pfunziro 5 nfundo 4)

5. Kucita Ulendo Bwakubwereza

(mph. 4) UPALIZI BWAKUSAYA KULINGANIZIDWA. Pa maceza yomwe mudacita pa ulendo bwakuyamba, munthuyo adalewa kuti ambakhulupira lini Mulungu, koma iye ali wakukonzeka kutetekera umboni bwakulatiza kuti kuna Mulengi. (th pfunziro 7)

6. Nkhani

(mph. 5) w21.06 matsa. 6-7 ndi. 15-18 — Msolo: Thandizani Anyakupfunza Wanu wa Bibliya Kuti Ambatumbize Yahova. (th pfunziro 10)

KUKHALA NA MOYO WACIKRISTAU

Nyimbo 10

7. Kodi Mungacite Tani Upalizi Bwakusaya Kulinganizidwa Mwacibadwa?

(mph. 10) Nkhani yakucezerana.

Njira ibodzi ya kutumbizira Yahova ndiyo kupalizira wanthu omwe timbagumana nawo pomwe tikucita mabasa yathu ya ntsiku na ntsiku. (Sl 35:28) Pakuyamba, tingacite mantha kucita upalizi bwakusaya kulinganizidwa. Tsono, tikapfunza kumbayambisa maceza mu njira yacibadwa, tin’dzakwanisa kucita bwino upalizi bwakusaya kulinganizidwa ndipo kucita bzimwebzi kun’dzatidekera!

Cithunzi-thunzi ca mu vidiyo yakuti “Khalani Wakukonzeka Kupalizira ‘Mafala Yabwino ya Mtendere’ — Mbayambisani Maceza.” Mpfumakazi ikuyambisa maceza na mkazi munango omwe ali pa meza yomwe iri pafupi na iwo mu restaurante.

Latizani VIDIYO yakuti Khalani Wakukonzeka Kupalizira “Mafala Yabwino ya Mtendere” — Mbayambisani Maceza. Mukamala bvunzani abveseri kuti:

Na vidiyoyi, kodi n’ciyani comwe mwapfunza pa kucita upalizi bwakusaya kulinganizidwa?

Mtawiro wanu

M’nyantsimu muna nfundo zomwe zingakuthandizeni kuyambisa maceza:

Mukacoka pa mui, khalani tceru kuti mumbayambise maceza mukagumana mpata. Ipempherereni nkhaniyo, ndipo kumbirani Yahova kuti akutsogolereni kuti mukwanise kugumana wanthu wakufuna kutetekera
Khalani wakucezeka kwa munthu omwe mwagumana naye. Yezerani kudziwa bzizinji pakulewa bza munthuyo kuti mukwanise kudziwa nfundo za m’Bibliya zomwe zingamudekere
Bzikakwanisika mungamubvunze komwe ambakhala na kumukumbirambo número yace ya telefoni
Lekani kusunama penu macezayo yamala pomwe mukanati kumupalizira
Mbakumbukirani munthuyo pambuyo pa maceza. Pitirizani kutumizira munthuyo linki ya vesi ya m’Bibliya ayai ya nkhani ya mu jw.org

Citani ibzi: Munthu akakubvunzani kuti, ‘Kodi bzinthu bzikukufambirani tani?,’ muuzeni bzomwe mwapfunza ku mitsonkhano ayai bza basa lomwe mumbacita la kupfunzisa wanthu Bibliya.