1-7 ABRIL
MASALIMO 23-25
Nyimbo 4 na Mpembo | Mafala Yakufungulira (mph. 1)
1. “Yahova ni M’busa wangu”
(mph. 10)
Yahova ambatitsogolera (Sl 23:1-3; w11 1/5 tsa. 31 ndi. 3)
Yahova ambatikhotcerera (Sl 23:4; w11 1/5 tsa. 31 ndi. 4)
Yahova ambatipasa bzomwe timbafunikira (Sl 23:5; w11 1/5 tsa. 31 ndi. 5)
Yahova ambasamalira atumiki wace ninga momwe makabusa ambasamalirira mabira yace.
BZIBVUNZENI KUTI: ‘Kodi Yahova ambandisamalira tani pandekha?’
2. Cuma Cauzimu
(mph. 10)
Sl 23:3 — Kodi “njira zacirungamo” n’ciyani, ndipo n’ciyani cin’dzatithandiza kuti tileke kucoka pa njira zimwezi? (w11 15/2 tsa. 24 ndi. 1-3)
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Sl 23:1–24:10 (th pfunziro 5)
4. Kuyambisa Maceza
(mph. 3) UPALIZI BWAKUSAYA KULINGANIZIDWA. Werengani vesi la m’Bibliya lakulimbikisa kwa munthu omwe akucita thupo na nyengo. (lmd pfunziro 2 nfundo 5)
5. Kucita Ulendo Bwakubwereza
(mph. 4) NYUMBA NA NYUMBA. Latizani momwe timbacitira pfunziro la Bibliya na munthu omwe abvuma broxura lakuti Khalani na Moyo Wakukondwa Mpaka Kale-kale!. (lmd pfunziro 9 nfundo 3)
6. Kucitisa Pfunziro
(mph. 5) lff pfunziro 14 nfundo 4 (lmd pfunziro 11 nfundo 3)
Nyimbo 54
7. Timbatetekera Lini Fala Lacirendo
(mph. 15) Nkhani yakucezerana.
Mabira yambadziwa fala la makabusa wawo ndipo yambamutewera. Tsono iyo yambathawa yakabva fala la munthu omwe yambamudziwa lini. (Ju 10:5) Mwakundendemerana na bzimwebzi, timbatetekera fala la amakabusa wathu walufoyi, Yahova na Jezu. (Sl 23:1; Ju 10:11) Tsono timbalamba kutetekera fala lacirendo la wanthu omwe ambafuna kuwofokesa cikhulupiro cathu mwa kulewa “nkhani zakunama.” — 2Pe 2:1, 3.
Cinembo ca Genesesi kapitulo 3 cimbafotokoza bza pa nthawe yakuyamba yomwe fala lakuyamba lacirendo lidabveka pa dziko la pantsi. Sathani adalewalewa na Eva mwakuphatisa basa nyoka na cakulinga cakuti Evayo aleke kudziwa kuti akhalewalewa na yani. Pakufuna kumunamiza ninga kuti akhali xamwali wace, Sathaniyo adalewa bzinthu bzakunama pakulewa bza Yahova. Bzakupasa ntsisi mpsakuti Eva adabvera bzomwe Sathani adalewa ndipo bzimwebzi bzidabweresa mabvuto kwa iye na kwa wana wace.
Ntsiku zino, Sathani ambayezera kuticitisa kuti tipenukire Yahova pabodzi na gulu lace mwa kumwaza nkhani zakunama. Tikambabva fala lacirendo tin’funika kumbathawa! Kumbatetekera nkhani zakunamazo napo mu nthawe yakucepa kungatibweresere ngozi. Kodi ni mafala mangasi yomwe Sathani adayaphatisa basa kuti anamize Eva mu nthawe yakucepa? (Ge 3:1, 4, 5) Tsono tani penu munthu omwe imwepo mumbamudziwa, omwe ambakufunani, akufuna kukuuzani nkhani zakunama zakulewa bza gulu lathu?
Latizani VIDIYO yakuti Lekani Kutetekera “Fala la Cirendo.” Mukamala bvunzani abveseri kuti:
Kodi mwapfunza ciyani na momwe Duminga adacitira bzinthu pomwe mai wace akhafuna kumuwonesa nkhani zakunama zakulewa bza Mboni za Yahova?
8. Pfunziro la Bibliya la Gwere
(mph. 30) lfb pfunziro 15