29 ABRIL–5 MAIO
MASALIMO 34-35
Nyimbo 10 na Mpembo | Mafala Yakufungulira (mph. 1)
1. “Tumbizani Yahova Nthawe Zentse”
(mph. 10)
Davide adatumbiza Yahova napo pa nthawe yomwe akhagumana na mabvuto (Sl 34:1; w07 1/3 tsa. 22 ndi. 11)
Davide alibe kubzitumbiza yekha pa bzomwe akhacita, koma adatumbiza Yahova (Sl 34:2-4; w07 1/3 tsa. 22 ndi. 13)
Mafala yacitumbizo yomwe Davide adalewa yadalimbikisa anzace (Sl 34:5; w07 1/3 tsa. 23 ndi. 15)
Pomwe Davide adapulumuka m’manja mwa Abimeleki, amuna wakukwana 400 omwe akhakomedwa lini na utongi bwa Sauli adamutewera mu dambo. (1Sa 22:1, 2) Bzikuwoneka kuti Davide akhakumbukira bza amuna amwewa pomwe adanemba Salimo 34.
BZIBVUNZENI KUTI: ‘Kodi ningadzatumbize tani Yahova pa mitsonkhano ya gwere sumana ikubwerayi?’
2. Cuma Cauzimu
(mph. 10)
Sl 35:19 — Kodi Davide akhafuna kulewanyi pomwe adakumbira kuti Yahova aleke kulekerera wale omwe akhamuwenga kuti “apoyirise maso yawo”? (w06 15/5 tsa. 20 ndi. 2)
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Sl 34:1-22 (th pfunziro 5)
4. Kuyambisa Maceza
(mph. 2) UPALIZI BWAKUSAYA KULINGANIZIDWA. Maceza yamala pomwe mukanati kupalizira. (lmd pfunziro 1 nfundo 4)
5. Kucita Ulendo Bwakubwereza
(mph. 4) UPALIZI BWAKUSAYA KULINGANIZIDWA. (lmd pfunziro 2 nfundo 4)
6. Kufotokoza Bzomwe Mumbakhulupira
(mph. 5) Ciratizo. ijwfq 59 — Msolo: Kodi Mboni za Yahova Zimbadziwa Tani Penu Festa Inango Njakubvumizika Ayai ne? (th pfunziro 17)
Nyimbo 59
7. Njira Zitatu za Momwe Tingatumbizire Yahova pa Mitsonkhano
(mph. 15) Nkhani yakucezerana.
Pa mitsonkhano timbakhala na mwayi wa kutumbiza Yahova. Onani njira zitatu za momwe tingacitire bzimwebzi.
Maceza: Mbalewani bzinthu bzabwino bzomwe Yahova ambacita pomwe mukuceza na wanthu winango. (Sl 145:1, 7) Kodi imwepo mudabva ayai mudawerenga nfundo yomwe mudakomedwa nayo? Kodi muna nkhani yabwino yomwe yakucitikirani mu upalizi? Kodi imwepo mudalimbikisidwa kale na mafala pabodzi na bzicito bza munthu munango? Kodi mudawona cinthu cinango ca m’cirengedwe comwe cidakudekerani? Bzinthu bzentsenebzi ni bzisimbo bzakucokera kwa Yahova. (Tiy 1:17) Mbafikani pa Nyumba ya Umambo pomwe nthawe ya mitsonkhano ikanati kukwana kuti mumbakwanise kuceza na anzanu.
Mitawiro: Yezerani kupereka mtawiro m’bodzi pa mitsonkhano ya gwere sumana iri-yentse. (Sl 26:12) Imwepo mungapereke mtawiro wakubverana na mbvunzo, ayai mungafotokoze nfundo inango ya pa ndime, cinembo, cithunzi-thunzi ayai bzomwe mwapfunza na nkhaniyo. Pakuti wanthu azinji ambaimisa manja kuti atawire, mbakonzekerani mitawiro mizinji. Ifepano tin’dzakwanisa kupereka “ntsembe zacitumbizo kwa Mulungu” tikambapereka mitawiro yathu mwacigwatira. — Ahe 13:15.
Nyimbo: Mbaimbani nyimbo za Umambo mwakukondwa. (Sl 147:1) Mukakhala muli mu gwere likulu pinango mitsonkhano ingamale ne kupereka mitawiro, tsono imwepo mungakhale na mwayi wakutumbiza Yahova mwa kuimba nyimbo. Napo penu mungabziwone kuti mumbadziwa lini kuimba, mukambaimba Yahova ambakomedwa kwene-kwene! (2Ak 8:12) Imwepo mungakonzekere nyimbozo ku mui.
Latizani VIDIYO yakuti Mbiri Yakulewa bza Gulu Lathu — Mphaso ya Nyimbo, Mbali 1. Mukamala bvunzani abveseri kuti:
Pa nthawe yakuyambirira ya gulu lathu, kodi tidalatiza tani kuti kuimba nyimbo za kutumbiza Yahova n’kwakufunika?
8. Pfunziro la Bibliya la Gwere
(mph. 30) lfb pfunziro 19