16-22 SETEMBRO
MASALIMO 85-87
Nyimbo 41 na Mpembo | Mafala Yakufungulira (mph. 1)
1. Mpembo Umbatithandiza Kuti Tipirire
(mph. 10)
Kumbirani Yahova kuti akuthandizeni kukhala wakukondwa (Sl 86:4)
Kumbirani Yahova kuti akuthandizeni kukhala wakukhulupirika (Sl 86:11, 12; w12 15/5 tsa. 25 ndi. 10)
Khulupirani kuti Yahova an’dzatawira mipembo yanu (Sl 86:6, 7; w23.05 tsa. 13 ndi. 17-18)
BZIBVUNZENI KUTI: ‘Kodi nimbapemba kawiri-kawiri ndikakhala ndikugumana na mabvuto?’ — Sl 86:3.
2. Cuma Cauzimu
(mph. 10)
Sl 86:11 — Kodi mpembo wa Davide umbatiuza ciyani bza mtima wa munthu? (it-1 tsa. 1058 ndi. 5)
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Sl 86:1–87:7 (th pfunziro 12)
4. Kuyambisa Maceza
(mph. 3) UPALIZI BWAKUSAYA KULINGANIZIDWA. Yambisani pfunziro la Bibliya. (lmd pfunziro 3 nfundo 5)
5. Kucita Ulendo Bwakubwereza
(mph. 4) UPALIZI BWAKUSAYA KULINGANIZIDWA. Yambisani pfunziro la Bibliya na munthu omwe alatiza kuti akucita thupo na bzinthu bzomwe bzikucitika m’dzikoli. (lmd pfunziro 7 nfundo 4)
6. Kucitisa Pfunziro
(mph. 5) lff pfunziro 15 nfundo 5. Citani makonzedwe kuti nyakupfunza wanu adzacite pfunziro sumana yakutewera napo kuti imwepo pan’dzakhala palibe. (lmd pfunziro 10 nfundo 4)
Nyimbo 83
7. Lekani Kubwerera m’Mbuyo
(mph. 5.) Nkhani yakucezerana.
Latizani VIDIYO. Mukamala bvunzani abveseri kuti:
Thangwe ranyi nthawe zinango tingafune kusiya kupalizira?
Thangwe ranyi tin’funika lini kubwerera m’mbuyo?
8. Pitirizani Kuyambisa Mapfunziro ya Bibliya!
(mph. 10) Nkhani yakucezerana.
Kodi mwayambisa kale pfunziro la Bibliya mwakuphatisa basa broxura lakuti Khalani na Moyo Wakukondwa Mpaka Kale-kale! pa kampanya yakupambulikayi? Penu ndibzo, ndiye kuti muli wakukondwa kwene-kwene! Kulewa cadidi bzomwe mwacitabzo bzalimbikisa kwene-kwene winango. Tsono penu mukanati kuyambisa pfunziro la Bibliya, pinango mungakhale mukucita thupo kwene-kwene. Kodi n’ciyani comwe imwepo mungacite penu mukanati kuyambisa pfunziro la Bibliya?
Latizani VIDIYO yakuti “Timbalatiza Kuti Ndife Atumiki wa Mulungu . . . mwa Kukhala Wakupirira” — Pomwe Tikupalizira. Mukamala bvunzani abveseri kuti:
Kodi 2 Akolinto 6:4, 6 ambatithandiza tani bzikakhala kuti “bzikunesa” kupalizira?
Kodi n’ciyani comwe imwepo mungacite penu mwayamba kuwona ninga kuti upalizi bwanu bulibe phindu thangwe rakuti mulibe kuyambisa pfunziro la Bibliya?
Kumbukirani kuti cikondweso cathu cimbathemba lini mapfunziro ya Bibliya yomwe tayambisa ayai yomwe timbacitisa. M’mbuto mwace, ifepano timbakhala wakukondwa tikadziwa kuti Yahova akuwona ndipo akukomedwa na nyongo yomwe tikucita. (Lu 10:17-20) Ndipopa pitirizani kuthandizira kampanyayi na mtima wentse, mucimbadziwa kuti “bzomwe mukucita na nyongo pa basa la Mbuyalo bzimbayenda lini papezi”! — 1Ak 15:58.
9. Pfunziro la Bibliya la Gwere
(mph. 30) lfb gawo 7 na pfunziro 39