7-13 OUTUBRO
MASALIMO 92-95
Nyimbo 84 na Mpembo | Mafala Yakufungulira (mph. 1)
1. Kutumikira Yahova Kumbaticitisa Kuti Tikhale na Moyo Wabwino!
(mph. 10)
Yahova ngwakuthemera kunamatidwa nafe (Sl 92:1, 4; w18.04 tsa. 28 ndi. 5)
Iye ambathandiza wanthu wace kuti acite bzakusankhula bzabwino acikhala wakukondwa (Sl 92:5; w18.11 tsa. 23 ndi. 8)
Iye ambawona kuti wale omwe ambamutumikira mbakufunika napo acikhala mbakukalamba (Sl 92:12-15; w20.01 tsa. 19 ndi. 18)
BZIBVUNZENI KUTI: ‘N’ciyani cikunditazisa kuti ndibzipereke kwa Yahova ndicibatizidwa?’
2. Cuma Cauzimu
(mph. 10)
Sl 92:5 — Kodi mafala ya mu vesiri yakulatiza tani kuti Yahova ngwa nzeru? (cl tsa. 176 ndi. 18)
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Sl 94:1-23 (th pfunziro 5)
4. Kuyambisa Maceza
(mph. 4) UPALIZI BWAKUSAYA KULINGANIZIDWA. Nyang’anani mpata kuti mufotokozere munthu bza basa lomwe mumbacita ninga mpfunzisi wa Bibliya. (lmd pfunziro 5 nfundo 3)
5. Kucita Ulendo Bwakubwereza
(mph. 3) UPALIZI BWAKUSAYA KULINGANIZIDWA. Yambani kupfunza Bibliya na munthu omwe akhalamba. (lmd pfunziro 8 nfundo 4)
6. Kucitisa Pfunziro
(mph. 5) Cezeranani na nyakupfunza wa Bibliya omwe akuyenda lini patsogolo. (lmd pfunziro 12 nfundo 5)
Nyimbo 5
7. N’ciyani Comwe Maswaka Yangacite Yakakhala na Thupo?
(mph. 15) Nkhani yakucezerana.
Atumiki wa Yahova ambakhalambo na thupo. Mwa ciratizo, Davide adakhala na thupo pa nthawe zakusiyana-siyana pa moyo wace. Ndipo bzimbakhalambo tenepo na abale na mpfumakazi zathu zizinji ntsiku zino. (Sl 13:2; 139:23) Ndipo napo maswaka yangakhalembo na thupo. Nthawe zinango, thupo lingawacitise kuwona bzomwe ambacita, ninga kuyenda ku xikola na kuyenda ku mitsonkhano, kukhala bzakunetesa. Bzimwebzi bzingawacitise kuti asaye kudziwa bzakucita ayai akhale na nzeru zakufuna kubzipha.
Maswaka, imwepo mukabzibva kuti mun’kwanisa lini kucita cinthu ciri-centse thangwe ra thupo, cezani na abereki wanu ayai m’bale wakukhwima mwauzimu. Ndipo cinthu cinango comwe cingakuthandizeni ndico kupemba kwa Yahova. (Afi 4:6) Iye an’dzakuthandizani. (Sl 94:17-19; Zai 41:10) Onani ciratizo ca Steing.
Latizani VIDIYO yakuti Nthawe Zentse Yahova Ambandisamalira. Mukamala bvunzani abveseri kuti:
• Kodi ni vesi liponi la m’Bibliya lomwe lidathandiza Steing, ndipo n’thangwe ranyi?
• Kodi Yahova adamusamalira tani?
Abereki, imwepo mungathandize wana wanu kulimbana na thupo mwa kuwatetekera, kuwauza kuti mumbawafuna na kuwathandiza kuti ambakhulupire kuti Yahova ambawafunambo. (Tit 2:4; Tiy 1:19) Mukathemba Yahova, iye an’dzakupasani mphanvu kuti mukwanise kuthandiza wana wanu.
Ifepano tingakwanise lini kudziwa penu m’bale ana thupo likulu m’gwere ayai tingabvesese lini momwe iye akubvera. Napo bziri tenepo, ifepano tingathandize mwakucitisa kuti wentse m’gwere abzibve kuti ambafunidwa. — Mim 12:25; Ahe 10:24.
8. Pfunziro la Bibliya la Gwere
(mph. 30) lfb pfunziro 42