12-18 MAIO

MIMWANI 13

Nyimbo 34 na Mpembo | Mafala Yakufungulira (mph. 1)

CUMA CA M’FALA LA MULUNGU

1. Lekani Kupumpsidwa na ‘Kandiyero ya Wanthu Wakuipa’

(mph. 10)

Wanthu wakuipa alibe tsogolo (Mim 13:9; it-2 tsa. 196 ndi. 2-3)

Lekani kubverana na wale omwe ambacitisa kuti bzinthu bzakuipa bziwoneke ninga kuti mpsabwino (Mim 13:20; w12 15/7 tsa. 12 ndi. 3)

Yahova ambasimba wanthu wakulungama (Mim 13:25; w04 15/7 tsa. 31 ndi. 6)

Bzithunzi-thunzi: Kusiyana komwe kulipo pakati pa bzakusankhula bzakuipa bzomwe mwamuna omwe ni Mboni lini ya Yahova acita na bzakusankhula bzabwino bzomwe Mboni za Yahova ziwiri zacita. 1. Mwamuna munango akubzina mu bare ndipo adaphata kopo ya bzakumwa bzakuledzeresa m’manja mwace. 2. Patsogolo pace, iye akubva lini bwino m’thupi ndipo akumwa mankhwala. 3. Abale na mpfumakazi ali pabodzi ndipo akuceza. Abale awiri akuimba, winango akubzina na kudya pabodzi. 4. Patsogolo pace, abale awiriwo akupalizira pabodzi. — Wanthu omwe ambaphata basa na nyongo kuti agumane bzinthu bza m’dzikoli, ambakhala lini wakukondwa pa moyo wawo. Tsono kwa wale omwe ambacita kufuna kwa Yahova ambakhala na moyo wabwino na wathandauzo

2. Cuma Cauzimu

(mph. 10)

Mim 13:24 — Kodi vesiri limbatipfunzisa ciyani bza lufoyi na cirango? (it-2 tsa. 276 ndi. 2)

Mtawiro wanu
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?

Mtawiro wanu

3. Kuwerengedwa kwa Bibliya

(mph. 4) Mim 13:1-17 (th pfunziro 10)

BZIPEREKENI MU UTUMIKI BWAKUMUNDA

4. Kuyambisa Maceza

(mph. 3) NYUMBA NA NYUMBA. Cezani na munthuyo bza nkhani yomwe ikucitisa thupo wanthu azinji ndipo patsogolo pace cinjani nkhaniyo kuti muceze naye nkhani ya m’Bibliya yomwe ingamudekere. (lmd pfunziro 2 nfundo 5)

5. Kuyambisa Maceza

(mph. 4) UPALIZI BWAKUSAYA KULINGANIZIDWA. Cemerani munthuyo kuti adzagumanike pa mitsonkhano. (lmd pfunziro 2 nfundo 3)

6. Nkhani

(mph. 5) lmd nkhani zakuthumizira A nfundo 9 — Msolo: Wana Omwe Ambalemekeza na Kubvera Abereki Wawo Bzinthu Bzin’dzawafambira Bwino. (th pfunziro 16)

KUKHALA NA MOYO WACIKRISTAU

Nyimbo 77

7. “Ceza ca Munthu Wakulungama Cimbayetima Kwene-kwene”

(mph. 8) Nkhani yakucezerana.

Fala la Mulungu, Bibliya, ndakudzala na nzeru na cidziwiso. Tikaliphatisa basa kuti tibvunikire njira yathu, timbakhala wakukondwa ndipo bzinthu bzimbatifambira bwino pa moyo wathu. Bzimwebzi ni bzinthu bzomwe ku dzikoli tingabzigumane lini.

Cithunzi-thunzi ca mu vidiyo yakuti “Dzikoli Lingakupaseni Lini Bzomwe Liribe.” Mpfumakazi Gainanshina idakhala ndipo ikunyang’anisisa kudzulu.

Latizani VIDIYO yakuti Dzikoli Lingakupaseni Lini Bzomwe Liribe. Mukamala bvunzani abveseri kuti:

Kodi nkhani ya mpfumakazi Gainanshina ikulatiza tani kuti “ceza ca munthu wakulungama” n’capadzulu kwene-kwene kuposa “kandiyero ya munthu wakuipa”? — Mim 13:9

Mtawiro wanu

Lekani kumbamala nthawe yanu mukukumbukira bzinthu bza m’dzikoli ayai kuwona kuti mulibe kucita bwino kusankhula kutumikira Yahova. (1Ju 2:15-17) M’mbuto mwace, mbakumbukirani bza “cidziwiso” comwe munaco pakulewa bza Yahova. — Afi 3:8.