9-15 JUNHO
MIMWANI 17
Nyimbo 157 na Mpembo | Mafala Yakufungulira (mph. 1)
Banja laci Jirayeri likudya pa mbuto ya kamderekho
1. Khalani na Mtendere m’Banja Mwanu
(mph. 10)
Kukhazikisa mtendere kumbafuna nyongo, tsono kumbabweresa phindu (Mim 17:1; onani cithunzi-thunzi)
Lekani kulekerera kuti tubzinthu tung’ono-tung’ono tuyambise mabvuto (Mim 17:9; g 9/14 tsa. 11 ndi. 2)
Khalani wakubziphata (Mim 17:14; w08 1/5 tsa. 10 ndi. 6-11 ndi. 1)
2. Cuma Cauzimu
(mph. 10)
Mim 17:24 — Kodi ni mwa njira iponi “maso ya tsiru yambandofamba-famba mpaka kuphampha kwa dziko”? (it-1 tsa. 790 ndi. 2)
Pomwe mukhawerenga mavesi ya m’Bibliya ya sumana ino, kodi mwagumana nfundo ziponi zomwe mukufuna kufotokozerambo anzanu?
3. Kuwerengedwa kwa Bibliya
(mph. 4) Mim 17:1-17 (th pfunziro 10)
4. Kuyambisa Maceza
(mph. 3) UPALIZI BWAKUSAYA KULINGANIZIDWA. (lmd pfunziro 3 nfundo 5)
5. Kuyambisa Maceza
(mph. 4) UPALIZI BWA PADECA. Yambisani pfunziro la Bibliya. (lmd pfunziro 6 nfundo 4)
6. Nkhani
(mph. 5) ijwbv-T nkhani 60 — Msolo: Kodi Mimwani 17:17 Ambafuna Kulewa Ciyani? (th pfunziro 13)
Nyimbo 113
7. Mbacitani Bzinthu Bzomwe Bzingacitise Kuti Mumbakhale na Maceza Yabwino
(mph. 15) Nkhani yakucezerana.
Kuti banja likhale lakukondwa pambafunika kukhala na maceza yabwino. Wanthu wa m’banja akambaceza mwakutsudzuka, iwo ambacitira bzinthu pabodzi ndipo ambathandizana pa nthawe zakunesa. (Mim 15:22) Kodi imwepo mungathandizire tani kuti wanthu wa m’banja mwanu ambakhale wakutsudzuka kufotokoza makumbukidwe yawo na momwe akubvera?
Mbamalani nthawe muli pabodzi. (Deu 6:6, 7) Wanthu wa m’banja akambacita pabodzi mabasa ya pamui, kuyenda ku mitsonkhano, mu upalizi na kumbacita masenzeka, bzimwebzi bzimbacitisa kuti athembane kwene-kwene ndipo lufoyi lawo limbathumizirika. Bzimwebzi bzimbacitisambo kuti akhale na maceza yabwino. Nthawe zinango, imwepo mumbafunika kucita bzomwe wanthu wa m’banja mwanu akufuna kucita m’mbuto mwakucita bzomwe mukufuna! (Afi 2:3, 4) Kodi imwepo na wanthu wa m’banja mwanu mungaphatise tani bwino basa nthawe yanu? — Aef 5:15, 16.
Latizani VIDIYO yakuti Kuteweza Malango Yomwe Yangabwerese Mtendere m’Banja — Kulewalewana. Mukamala bvunzani abveseri kuti:
Kodi kuleka kuphatisa basa matelefoni mwacikati-kati kungatazise tani banja kuleka kumbacezerana?
Kodi mwapfunza ciyani na vidiyoyi pakulewa bza kufunika kwa kumbacezerana m’banja?
Khalani mtetekeri wabwino. (Tiy 1:19) Kazinji-kazinji, wana ambatsudzuka kufotokoza momwe akubvera akadziwa kuti an’bvesesedwa bzomwe akulewabzo nakuti an’kalipiridwa lini. Ndipopa citani bzomwe mungakwanise kuti mukhale wakugwa mpfuwa mwana wanu akakuuzani cinthu comwe cingakucitiseni thupo. (Mim 17:27) Ndipo mbamutetekerani mwatceru. Yezerani kubvesesa bzomwe iye akukumbuka na momwe akubvera kuti mukwanise kumuthandiza na kulatizambo kuti mumbamufuna.
8. Pfunziro la Bibliya la Gwere
(mph. 30) lfb pfunziro 77