Mpfumakazi yacitswaka na m’bale wacitswaka akucita nyongo kuti akhale wakukhwima mwauzimu. Mpfumakazi ikukumbukira bzomwe yawerenga m’Bibliya ndipo m’bale akuyenda mu upalizi. Bzithunzi-thunzi: Mpfumakazi zacitswaka na abale wacitswaka akucita mabasa yakusiyana-siyana yauzimu. 1. Mpfumakazi ikulongedza pa meza mu sala yakudyera ku Beteli. 2. Mpfumakazi ziwiri zikuwerengera mkazi m’bodzi vesi la m’Bibliya mu upalizi. 3. Mpfumakazi yacitswaka ikucita upalizi bwa kangolo na mpfumakazi yacikulire. 4. M’bale wacitswaka akuthandiza m’bale wacikulire kuphatisa basa tableti yace. 5. M’bale akufotokoza nkhani ku pulatifomu pa mitsonkhano ya gwere. 6. M’bale akuphata basa na makina yakugwatira.

Revista Yakupfunza

DEZEMBRO 2023

NKHANI ZAKUPFUNZA: 5 FEVEREIRO–3 MARÇO, 2024

Revistayi ikugulisidwa lini. Iyo idanembedwa kuti icite mbali pa basa lakupfunzisa Bibliya pa dziko lentse la pantsi ndipo imbathandizidwa na bzakupereka bzaufulu. Kuti mucite cakupereka canu caufulu, taphata minyendo pitani pa donate.jw.org.

Kusiya cizindikiro ciri-centse, mavesi ya m’Bibliya yomwe yali mu revista ino yatengedwa mu Bibliya Lakusanduliziridwa la Dziko Lipsa Mateu–Apokalipse na Baibulo la Dziko Latsopano la Malemba Opatulika.

CITHUNZI-THUNZI CA PA TSAMBA LAKUYAMBA:

Atsikana na alumbwana azinji omwe adapfunza Bzinembo na kuphatisa basa bzomwe adapfunzabzo adakhala Akristau wakukhwima mwauzimu (Onani nkhani yakupfunza 52, ndime 21 na nkhani yakupfunza 53, ndime 19-20)