Kodi Tingapirire Tani Kusaya Cirungamo?

Werengani Genesesi 37:23-28; 39:17-23 kuti mupfunze na momwe Zuze adapiririra kusaya cirungamo.

Onani nkhani yentse. Thangwe ranyi wanthu winango adamucitira bzinthu bzakusaya cirungamo Zuze? (Genesesi 37:3-11; 39:1, 6-10) Kodi Zuze adapirira kusaya cirungamo kwa magole mangasi? (Genesesi 37:2; 41:46) Pa nthawe imweyi, n’ciyani comwe Yahova adamucitira Zuze ndipo n’ciyani comwe alibe kumucitira? — Genesesi 39:2, 21; w23.01 tsa. 17 ndi. 13.

Fufudzani. Napo kuti mkazi wa Potifari adanamizira Zuze, Bibliya limbalewa lini kuti Zuzeyo adayezera kugaza bzimwebzo. Kodi mavesi yakuteweraya yangatithandize tani kuzindikira thangwe lomwe lidacitisa Zuze kuleka kulewa cinthu? Ndipo n’thangwe ranyi tin’funika lini kumbadikhirira kuti nfundo zentse zimbalewedwe m’Bibliya? (Mimwani 20:2; Juwau 21:25; Mabasa 21:37) Kodi ni makhalidwe yaponi yomwe yadathandiza Zuze kupirira kusaya cirungamo? — Mika 7:7; Luka 14:11; Tiyago 1:2, 3.

Onani bzomwe mukupfunza. Bzibvunzeni kuti:

• ‘Kodi n’kusaya cirungamo kuponi komwe ningadikhirire kucitiridwa thangwe ra kukhala mteweri wa Jezu? (Luka 21:12, 16, 17; Ahebereu 10:33, 34)

• ‘N’ciyani comwe ningacite tsapano kuti ndikwanise kupirira kusaya cirungamo?’(Masalimo 62:7, 8; 105:17-19; w19.07 matsa. 2-7)