Khalani Wakukhwimika Pomwe Mukuyezedwa

Werengani Jeremiya 38:1-13 kuti muwone bzomwe mungacite kuti mutewezere kukhwimika kwa mpolofeta Jeremiya na Ebedi-meleki.

Yezerani kubvesesa nkhaniyo. Thangwe ranyi Jeremiya akhafunika kukhala wakukhwimika kuti apalizire wanthu mafala ya Yahova? (Jeremiya 27:12-14; 28:15-17; 37:6-10) Kodi n’ciyani comwe wanthuwo adacita pomwe adabva bzomwe Jeremiya akhawapalizira? — Jeremiya 37:15, 16.

Fufudzani bzinango. Kodi wanthu akhadikhirira kuti Jeremiya acite ciyani? (jr-CN matsa. 26-27 ndi. 20-22) Fufudzani kuti mudziwe kuti micera ikhadakhala tani mu nthawe za m’Bibliya. (it-1-T tsa. 471) Kodi Jeremiya akhabva tani pomwe akhamira mu mcera wa matope? Kodi n’ciyani comwe Ebedi-meleki akhagopa? — w12-CN 1/5 tsa. 31 ndi. 2-3.

Kumbukirani bzomwe mwapfunza. Bzibvunzeni kuti:

• ‘Kodi nkhaniyi ikundipfunzisa ciyani pakulewa bza momwe Yahova ambakhotcererera atumiki wace wakukhulupirika?’ (Salimo 97:10; Jeremiya 39:15-18)

• ‘Kodi ni nthawe iponi yomwe nin’funika kukhala wakukhwimika?’

• ‘Kodi ningacite ciyani kuti ndikhale wakukhwimika pomwe ndikuyezedwa?’ (w11-CN 1/3 tsa. 30)a