Misolo ya Nkhani

Kuyambira kale-kale, atumiki wa Yahova ambawona kuti kuimba ni mbali yakufunika kwene-kwene pa kunamata kwawo. Tsono winango ambaneseka kuimba pa gulu. Kodi n’ciyani comwe tingacite kuti timbatumbize Yahova mwa kuimba na mtima wense? Nkhani ino in’tifotokozera mathangwe yomwe tinayo kuti timbaimbe mwakukuwa na mwakukondwa na bzomwe tingacite kuti timbaimbe bwino.

Tingapfunze bzizinji na makonzedwe ya mizinda yakuthawira yomwe ikhalipo mu nthawe ya Ajirayeri. Mu nkhani yakuyamba, tiniwona bzomwe anyakucita pikado angacite kuti athawire kwa Yahova nsiku zino. Ndipo mu nkhani yaciwiri, tiniwona momwe ciratizo ca Yahova cimbatithandizira kukhululukira winango, kulemekeza moyo na kucita bzinthu mwacirungamo.

Nkhani ziwirizi zacokera mu tsamba lomwe Paulo adafuliziridwa kuti anembere akristau wa ku Kolose. Nkhani yakuyamba inkufotokoza bzomwe tingacite tikabva makumbukidwe ya dzikoli, yomwe pinango yangawoneke ninga yakuthandiza. Ndipo nkhani yaciwiri in’fotokoza momwe tingatcenkhere makhalidwe yomwe yangatitazise kudzatambira bzisimbo bza Yahova.