Misolo ya Nkhani

Wanthu azinji mʼdzikoli ambafuna kukhala na ufulu. Tsono kodi Akristau an’funika kumbaiwona tani nkhani yakukhala na ufulu caibo? Nkhani ziwirizi zin’fotokoza thandauzo la ufulu caibo na momwe ifepano tingabugumanire. Tiniwonambo momwe tingaphatisire basa ufulu bomwe tinabobu mu njira yomwe ingakhale yakuthandiza kwa ife pabodzi na kwa anzathu. Ndipo kuposa bzense, tiniwona momwe tingalemekezere Yahova, Mulungu wa ufulu caibo.

Mu nkhani ziwirizi, tiniwona kuti Yahova nthawe zense ambalimbisa atumiki wace. Tiniwonambo momwe atumiki wacewo ambamutewezerera mwa kumbalimbisambo anzawo ndipo tin’bvesesa thangwe lomwe tin’funikira kumbalimbisana maka-maka nsiku zathu zino.

Maswaka yambakhala yakukondwa kwene-kwene, yakambacita bzinthu bzakukondwesa Yahova. Ndipopa nkhani ino inkupereka mathangwe yomwe maswaka yangakhalire na bzakulinga bzauzimu pakutumikira Yahova, yacimbawona basa lakupalizira kukhala cibodzi mwa bzinthu bzakufunika kwene-kwene pa moyo wawo.