Misolo ya nkhani

Nsiku zino, wanthu azinji ambafuna kukhala wakudziwika na wakubvekera m’dziko la Sathaniri. Tsono nkhani ino, in’fotokoza kuti n’thangwe ranyi tin’funika kumbacita nyongo ya kudziwidwa na Yahova, comwe n’cinthu cakufunika kwene-kwene kuposa kudziwika kwense. Ndipo tiniwonambo momwe Yahova ambasimbira atumiki wace wakukhulupirika m’njira yomwe iwo akhaidikhirira lini.

Mu nkhani ino, tiniwona kuti n’ciyani comwe cidacitisa Mozeji kuphonya mpaka kuleka kupita m’Dziko Lakupiciridwa, napo kuti iye akhali munthu wakukhulupirika. Ndipo tiniwonambo bzomwe tingacite kuti tireke kugwa m’bvuto libodzi-bodziri.

Tensenefe ndife wa Yahova, ndipopa tin’funika kukhala wakukhulupirika kwa iye. Wanthu winango ambalewa kuti ambanamata Mulungu, koma iwo ambamubvera lini. Ndipopa mu nkhani yakuyamba tin’pfunza bzizinji na bzomwe bzidacitikira Kaini, Salomau, Mozeji na Aroni. Ndipo mu nkhani yaciwiri, tin’dzawona momwe tingatendere Yahova thangwe ra mwayi omwe tinawo wakukhala wanthu wace.