Nkhani Zace

Nzeru n’zakufunika kwene-kwene kwa ifepano kokha tikambaziphatisa bwino basa. Koma kuti tiphatise basa bzomwe timbapfunza, tin’funika kubzicepswa. Nkhani ino in’tithandiza kupitiriza kukhala wakubzicepswa mwakutewezera bziratizo bza m’Bibliya bza wale omwe adapalizira mitundu yense ya wanthu, adapembera anzawo na omwe adadikhira Yahova kuti awathandize.

Ifepano tinkukhala mu nthawe zakunesa kwene-kwene, ndipo mpsakusaya kunesa kutaya mtima na cidikhiro. Yahova na Jezu angatithandize, koma tin’funikambo kumbatsangalazana. Ndipo mu nkhani ino tin’pfunza momwe tingalimbisirane mwa lufoyi.

Yahova ni ‘Mulungu wakukondwa,’ ndipo iye ambafuna kuti atumiki wace akhalembo wakukondwa. Tsono tingakhale tani wakukondwa napo ticigumana na mabvuto pabodzi na mayezo yakusiyana-siyana m’dziko Sathaniri? Pa Nkhani ya pa Phiri, Jezu adatipfunzisa momwe tingakhalire wakukondwa nsiku zino na kwa muyaya.

Nsiku zino, wanthu azinji ankukhala wadyera kwene-kwene. Koma Akristau wacadidi mbakusiyana na wanthu amwewa thangwe iwo ambafuna wanthu wense. Ndipo njira ibodzi ya momwe iwo ambalatizira lufoyi lawo ndiyo kumbakumbukira wanthu winango. Mu nkhani ziwirizi, tiniwona momwe Yahova ambalatizira kuti ambakumbukira tensenefe, ndipo tiniwonambo momwe tingamutewezerere.