Mafala Yakuyambirira
Nthawe zinango tentsenefe timbagumana na mabvuto ninga matenda, ngozi za cirengedwe na ciwembo.
Wanthu ambanyang’ana mitawiro.
Wanthu winango ambalewa kuti kubonera ni cinthu ca mphanvu comwe cimbacitika pa moyo wathu ayai iwo ambalewa kuti palibe cinthu comwe tingacite kuti tireke kubonerako.
Winango ambakhulupira kuti wanthufe timbabonera thangwe rakuti tidacita cinthu cinango cakuphonyeka mbuyomu.
Kawiri-kawiri kubonera kumbacitisa wanthu kukhala na mibvunzo mizinji ndipo ambasaya mitawiro ya mibvunzoyo.