MBALI 1 MIBVUNZO YAKUBWEREZERA
Cezeranani mibvunzoyi na mpfunzisi wanu wa Bibliya:
Kodi bzomwe Bibliya limbalewa kuti bzin’dzacitika kutsogolo, bzingakucitiseni kukhala na moyo wabwino ntsiku zino?
(Onani Pfunziro 02.)
Thangwe ranyi mumbakhulupira kuti Bibliya ni Fala la Mulungu?
(Onani Pfunziro 03 na 05.)
Thangwe ranyi mpsakufunika kumbaphatisa basa dzina la Yahova?
(Onani Pfunziro 04.)
Bibliya limbalewa kuti Mulungu ni mweneciro wa “moyo.” (Salimo 36:9) Kodi imwepo mumbakhulupira bzimwebzo?
(Onani Pfunziro 06.)
Werengani Mimwani 3:32.
Thangwe ranyi Yahova ni xamwali wabwino omwe tingakhale naye?
Kodi Yahova ambafuna kuti Axamwali wace acite ciyani? Kodi imwepo mukuwona kuti bzimwebzi mpsakubveka?
(Onani Pfunziro 07 na 08.)
Werengani Salimo 62:8.
Kodi ni bzinthu bziponi bzomwe mungafune kubzipempherera kwa Yahova? Kodi ni bzinthu bziponi bzinango bzomwe mungabzipempherere?
Kodi Yahova ambatawira tani mipembo?
(Onani Pfunziro 09.)
Werengani Ahebereu 10:24, 25.
Kodi mungagumane phindu liponi pa mitsonkhano ya Mboni za Yahova?
Kodi mukuwona kuti mpsakuthandiza kucita nyongo kuti mumbagumanike pa mitsonkhano?
(Onani Pfunziro 10.)
Thangwe ranyi mpsabwino kuwerenga Bibliya ntsiku zentse? Kodi ni nthawe iponi yomwe mumbawerenga Bibliya?
(Onani Pfunziro 11.)
Kodi ni bzinthu bziponi bzomwe bzakudekerani kwene-kwene pakupfunza Bibliya?
Kodi ni mabvuto yaponi yomwe mudagumana nayo kucokera pomwe mudayamba kupfunza Bibliya? Kodi n’ciyani comwe cingakuthandizeni kuti mupitirize kupfunza Bibliya?
(Onani Pfunziro 12.)