Mafala kwa Anyakutsonkhana

ALATIZI Alatizi alipo kuti akuthandizeni. Taphata minyendo, tewezani malango yawo pakulewa bza komwe mungaimise njinga, mota ayai karo yanu, mapitidwe ya wanthu pa mbuto ya mtsonkhanoyo, kakoyedwe ka mbuto na bzinango.

UBATIZO Mipando ya anyakuyenda ku batismo in’dzakoyedwa kutsogolo, kupambula penu palatidwa mbuto inango. Anyakuyenda kukabatizidwa, an’funika kudzakhala m’mipandoyo, pa ntsiku ya Sabudu, pomwe nkhani ya ubatizo ikanati kuyamba. Ali-wentse adzabwerese tuwadya na bzakubvala bzakuthemera kubatizidwa nabzo kuti adzapite nabzo m’madzi.

BZAKUPEREKA Padzongedwa kobiri zizinji kuti tikhale na mbuto yabwinoyi, mitcini yakukuzira mafala, mitcini yakuwonesa mavidiyo na bzinango kuti tipfatse kukhala pa mtsonkhanoyu, ticithandizidwa kulimbisa uxamwali bwathu na Yahova. Bzakupereka bzanu bza ufulu, bzimbathandiza kupagali bzinthubzo na kuthandizambo basa la pa dziko lentse. Pa mbuto yentse ya mtsonkhanoyu paikhidwa makaxa ya bzakupereka ndipo mungacite bzakupereka bzanu pa nthawe iri-yentse. Mungacitembo bzakupereka mwakuphatisira basa webisaite pa donate.jw.org. Bzakupereka bzentse mpsakufunika kwene-kwene ndipo Bungwe Lakutonga likukutendani thangwe ra kuthandiza kwanu Umambo bwa Mulungu na mtima wentse.

THANDIZO LA ULAPI Dziwani kuti thandizolo nda matenda yakugwa mwadzidzidzi yokha.

DEPATIMENTI YA BZAKUTAIKA Cinthu ciri-centse cakutaika comwe mwalokota ndipo mukudziwa lini mwenikaciro, taphata minyendo, ndokoni mukasiye ku Depatimenti ya Bzakutaika. Cinthu canu cikataika, ndokoni kumweko kuti mukanyang’ane cinthuco. Wana omwe asaya abereki wawo, an’funika kuyendesedwambo ku depatimenti imweyi. Tsono, kuti wanawo aleke kutaika, taphata minyendo, asamalireni ndipo khalani nawo pabodzi.

MBUTO YAKUKHALA Taphata minyendo, mbakumbukirani winango. Dziwani kuti mungakoyere mbuto wanthu wa m’banja mwanu okha ayai omwe mumbapfunza nawo Bibliya na ule omwe mwabwera naye m’karo ibodzi. Lekani kuikha bzinthu pa mbuto zomwe mukukoyera lini munthu.

ATHANDIZI WAKUBZIPEREKA Mukafuna kubzipereka kuti muthandize mabasa ya pa mtsonkhanoyu, ndokoni ku depatimenti imweyi mukawafotokozere bzimwebzo.

Wakulinganizidwa na Bungwe Lakutonga la Mboni za Yahova